Dünyada LNG qıtlığı:Avropada qaz ehtiyatları rekord minimuma enib

“Dünya nəhəng mayeləşdirilmiş təbii qaz (LNG) qıtlığı ilə üzləşib”: Avropanın qaz anbarları cəmi 72 faiz dolub ki, bu da payız fəsli üçün müşahidələr tarixinin ən aşağı göstəricisidir.
⠀
“Avropanın Rusiya qazından imtina etməsindən və Yaxın Şərqdəki böhrandan sonra tədarük kəskin azalıb – Hörmüz boğazının bağlanması səbəbindən Qətər fors-major elan edib, LNG çatışmazlığı isə 39 milyon ton həcmində qiymətləndirilir”.
⠀
Mövcud şəraitdə Avropanın qaz anbarları cəmi 72 faiz doludur – bu, ilin həmin dövrü üçün tarixi minimum hədd sayılır. Almaniyada isə analoji göstərici cəmi 57 faiz təşkil edir. Bununla belə, mövcud defisit artıq istehsalçıları yeni layihələrin icrasına başlamağa sövq edir.
⠀
Qlobal LNG bazarı kəskin çatışmazlıqdan dağıdıcı artıqlıq vəziyyətinə keçə bilər. 2030-cu ilə qədər dünyada ümumi tədarükün illik 630 milyon tona çatacağı ehtimal edilir, lakin “Rystad Energy” şirkətinin hesablamalarına görə, qlobal tələbat yalnız 574 milyon ton olacaq.
⠀
Əgər Qətər hasilatı tam gücü ilə bərpa edərsə və planlaşdırılan bütün yeni güclər işə salınarsa, bazarda 55-75 milyon tonluq izafi qaz kütləsi yarana bilər. Bu isə öz növbəsində qiymətlərin kəskin şəkildə ucuzlaşması və uzun illər davam edəcək yeni disbalans riski yaradır.