ABŞ Energetika Nazirliyi ehtiyatdan 1 milyon barel benzin satıb

ABŞ Energetika Nazirliyi ehtiyatdan 1 milyon barel benzin satıb.
GDP xəbər verir ki, ABŞ Energetika Nazirliyi 4 iyul bayramı (Müstəqillik Günü) ərəfəsində yanacaqdoldurma məntəqələrində qiymətləri endirmək üçün ehtiyatlardan 1 milyon barel benzin satıb, departamentin açıqlamasında deyilir.

Şimal-Şərq Ehtiyatından (NGSR) benzin beş şirkətə satılıb, BP, George E. Warren, Vitol, Freepoint Commodities və Irving Oil. Yanacağın orta satış qiyməti gallon üçün 2,34 dollar olub.