Azərbaycan Həmkarlar İttifaqları Konfederasiyasının (AHİK) yeni sədri vəzifəsinə Sahib Məmmədov seçilib.
GDP xəbər verir ki, bununla bağlı məsələ AHİK-in avqustun 26-da keçirilən növbədənkənar VII qurultayının gündəliyinə daxil edilib.
Səttar Suliddin oğlu Möhbalıyevin sentyabrın 1-nə təyin edilmiş növbədənkənar parlament seçkilərində iştirakı ilə bağlı vaxt çatışmazlığı səbəbindən AHİK-in sədri vəzifəsindən istefası məsələsi qəbul edilib və qurultay iştirakçıları bu vəzifəyə Sahib Əli oğlu Məmmədovun namizədliyinə yekdilliklə səs veriblər.
Qeyd edək ki, Sahib Əli oğlu Məmmədov 1978-ci ildə anadan olub və Kiyev Dövlət Universitetinin Beynəlxalq hüquq fakültəsini bitirib. 2014-cü ildən İqtisadiyyat Nazirliyində çalışan Sahib Məmmədov Azərbaycan Respublikası Prezidentinin 2021-ci il 23 dekabr tarixli Sərəncamı ilə iqtisadiyyat nazirinin müavini təyin edilib. “Dövlət qulluğunda fərqlənməyə görə” və “Tərəqqi” medalları ilə təltif olunub.
Ailəlidir, 2 övladı var.
Ən çox oxunan
- Taleh Kazımov “Banklara aidiyyəti olan şəxslərlə əməliyyatların aparılması Qaydası”da dəyişiklə bağlı qərar qəbul edib
- Sinqapurun ən böyük bankı DBS, Bitcoin və kriptovalyuta opsionları ticarətini işə salacaq
- “AzerGold” mağazadan pərakəndə formada 64.26 kq qızıl satıb
- Manatın nominal effektiv məzənnəsinin bahalaşması idxal inflyasiyasının azalmasına əlavə töhfə verib
- Azərbaycanda bankların təminatsız bazarda 1 gün ərzində etdiyi əməliyyatların orta həcmində maksimum- 534 mln. manat
- Microsoft və BlackRock 30 milyard dollarlıq fond yaradır
- JPMorgan Apple-ın yeni kredit kartı tərəfdaşı ola bilər
- Çin ultra varlıların sayına görə ABŞ-ı qabaqlayır