ABŞ-ın fond bazarlarında ticarət mənfi dinamika ilə başlayıb. Səhmlərin dəyərinin aşağı düşməsi, Prezident Donald Trampın Çinə səfərinin başa çatmasından dərhal sonra qeydə alınıb.
GDP xəbər verir ki, investorlar səfər çərçivəsində keçirilən danışıqların yekunlarını qiymətləndirirlər. Görüşlərdən konkret ticarət razılaşmaları çıxmaması bazarda ehtiyatlı gözləntilərə səbəb olub. Tariflər və bazarlara giriş imkanları ilə bağlı irəliləyiş xarakterli açıqlamaların olmaması iştirakçılar tərəfindən mənfi siqnal kimi qəbul edilir.
Analitiklər qeyd edir ki, hazırkı eniş daha çox korreksion xarakter daşıyır. Bazar səfər ərəfəsində formalaşmış gözləntilər fonunda mənfəəti realizə edir. Qısamüddətli perspektivdə investorların diqqəti geosiyasi hadisələrdən çox makrostatistik göstəricilərə və şirkətlərin hesabatlarına yönələcək.
Ekspertlərin fikrincə, bazarda yeni təkanverici amillər meydana çıxmayacağı təqdirdə təzyiq davam edə bilər.