Author: Aynure Gdp

“Bu gün Bakı Fond Birjası (BFB) Dünya Birjalar Federasiyasının (DBF) Baş Assambleyasının təsdiqindən sonra rəsmi şəkildə DBF-nin Tam Hüquqlu Üzvü kimi qəbul edilmişdir. DBF-nin Baş Assambleyasında BFB-ni təmsil etmək və təqdim etmək fürsəti mənim üçün bir şərf idi. Bu nailiyyət BFB komandasının doqquz aylıq məqsədyönlü çalışmasının təntənəsi nəticəsidir. Bu müddət ərzində biz tam üzvlük meyarlarına uyğunluğu uğurla təmin etdik və son səsverməyə qədər aparan sərt due diligence prosesini tamamladıq. DBF-də tam üzvlük BFB-ə eksklüziv bazar məlumat və kəşfiyyatına çıxış əldə etməyə, qlobal siyasət və tənzimləmə müzakirələrində iştirak etməyə və dünyanın aparıcı birja və klirinx şirkətləri ilə peşəkar əməkdaşlığı gücləndirməyə imkan…

2026-cı ildə Azərbaycanda yaşayış minimumu və ehtiyac meyarının 300 manat olması nəzərdə tutulur. Bu barədə  Milli Məclisin Əmək və sosial siyasət komitəsinin sədri Musa Quliyev məlumat verib. Onun sözlərinə görə, bu, 2025-ci illə müqayisədə 15 manat və yaxud 5,3 % çoxdur. “O cümlədən, yaşayış minimumu əmək qabiliyyətli əhali üçün 317 manat, pensiyaçılar üçün 245 manat, uşaqlar üçün 260 manat olacaq”, – deyə komitə sədri əlavə edib.

 Mərkəzi Bankın (AMB) sədri Taleh Kazımov qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib ki, Avropa Yenidənqurma və İnkişaf Bankının (AYİB) manatla istiqraz buraxması onların Azərbaycan iqtisadiyyatına və manata inamını, həmçinin Mərkəzi Bank tərəfindən pul siyasəti istiqamətində həyata keçirilən islahatları dəstəklədiyini göstərir. “AYİB-in AZİR indeksini özləri üçün faiz dərəcəsi kimi qəbul etməsi artıq bizim üçün də böyük bir nailiyyətdir” – deyə Kazımov qeyd edib. AMB sədri vurğulayıb ki, bu layihəni Mərkəzi Bank olaraq 1 il yarımdır planlaşdırırlar: “Bu, bizim kapital bazarlarının inkişafı istiqamətində aparılan islahatlardan biridir. Biz daxili tələblərimizi, qaydalarımızı ona uyğun etdik ki, artıq beynəlxalq…

Son 10 ildə Dövlət Neft Fondunun investisiya gəlirləri 15 milyard ABŞ dollarını ötüb. Bunu Dövlət Neft Fondunun İcraçı direktorunun müavin Bəhruz Bəhramov bu gün Milli Məclisin İqtisadi siyasət, sənaye və sahibkarlıq komitəsinin təşkil etdiyi Konstitusiya və Suverenlik İli”nə həsr edilən “Dövlət suverenliyinin iqtisadi əsasları və iqtisadi müstəqillik” mövzusunda elmi-praktik konfransda deyib. Bəhruz Bəhramov bildirib ki, 270 milyon ABŞ dolları ilə fəaliyyətə başlayan Dövlət Neft Fondunun aktivləri bu gün 70 milyard ABŞ dollarını keçib: “Fondun aktivləri ÜDM-in 90%-ni ötüb, xarici dövlət borcunu 13 dəfə üstələyir”.

 Mərkəzi Bankın (AMB) sədri Taleh Kazımov qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib ki, manata inam yüksəkdir və bunun arxasında müəyyən rəqəm və faktlar dayanır. “Mən çıxışımda da qeyd etdim ki, dollarlaşma səviyyəsi 29%-ə düşüb. Mərkəzi Bankın hədəfi bu rəqəmi 20-25% ətrafında idarə etməkdir və bu normaldır. Yəni bizim gözləntimiz olmasın ki, dollarlaşma səviyyəsi 0% olsun” – deyə Taleh Kazımov vurğulayıb. Nağd bazarına gəldikdə isə Taleh Kazımov təklifin tələbi üstələdiyini və sentyabr ayı üzrə bu göstəricinin 230 milyon manat olduğunu açıqlayıb. Taleh Kazımov strateji valyuta ehtiyatlarının il ərzində 14,7% artaraq 81,5 milyard ABŞ dollarına çatdığını…

Azərbaycan Respublikası Mərkəzi Bankının (AMB) İdarə Heyəti uçot dərəcəsi ilə bağlı qərarını elan edib. GDP xəbər verir ki, qərara əsasən, uçot dərəcəsi 7%, faiz dəhlizinin aşağı həddi 6%, yuxarı həddi isə 8% səviyyəsində dəyişməz saxlanılıb. Bankdan edilən açıqlamada qeyd olunub ki, bu qərarın qəbulunda bir sıra amillər əsas götürülüb. Bunlara faktiki və gözlənilən inflyasiyanın 4±2% hədəf intervalı ilə uyğunluğu, qlobal iqtisadiyyat və maliyyə bazarlarındakı mövcud şərait, daxili makroiqtisadi meyillər, həmçinin pul siyasəti qərarlarının real sektora ötürülməsinin xüsusiyyətləri daxildir. Bu, AMB-ın inflyasiyanı hədəf intervalında saxlamaq və iqtisadi artımı dəstəkləmək məqsədilə mövcud pul-kredit şəraitini sabit saxlamaq strategiyasını əks etdirir

GBM CEE Mərkəzi və Şərqi Avropa, Mərkəzi Asiya və Türkiyə 2025 Mükafatları çərçivəsində “İlin Müqaviləsi” nominasiyasının qalibi məlum olub. Bu mükafata Azərbaycan Beynəlxalq Bankı üçün Mashreq Bank-ın rəhbərlik etdiyi 12 beynəlxalq kreditor tərəfindən təqdim edilən 200 milyon ABŞ dolları məbləğində sindikatlaşdırılmış maliyyələşdirmə razılaşması layiq görülüb. Beləliklə Azərbaycanın aktivlərinə görə ən böyük bankı ABB “İlin müqaviləsi– Azərbaycan” mükafatı ilə təltif olunub. Bildirilir ki, mükafatlar arasında “İlin Maliyyə İnstitutları üzrə Sindikatlaşdırılmış Krediti”, “İlin Debüt Korporativ İstiqrazı”, “İlin Debüt Maliyyə İnstitutu İstiqrazı” və “İlin müqaviləsi – Azərbaycan” nominasiyaları yer alıb. Məlumata görə, layihədə hüquqi məsləhətçi qismində çıxış edən Dentons şirkətinə Dubay ofisinin partnyoru Qasim Aslam və Bakı ofisinin partnyoru Ülviya Zeynalova-Bockin rəhbərlik edib. Komandaya həmçinin hüquqşünaslar Arif Doha və Tofiqə…

Qızılın qiymətində son on ilin ən kəskin azalması qeydə alındıqdan sonra iri qızıl hasilatı şirkətlərinin səhmləri sürətlə ucuzlaşıb. Barrick Gold, Newmont və Agnico Eagle Mines kimi aparıcı istehsalçı şirkətlərin səhmləri çərşənbə axşamı 8 faizdən çox dəyər itirib. Eyni zamanda, sektordakı ən böyük istehsalçıları izləyən VanEck Gold Miners ETF fondu 9,5% eniş nümayiş etdirib — bu, mart 2020-dən bəri ən pis göstərici hesab olunur.

Sızdırılmış daxili sənədlərə görə, Amazon şirkəti 2027-ci ilə qədər ABŞ-da 600 minədək işçini robotlarla əvəz etməyihədəfləyir. GDP xəbər verir ki, Amazon-un robototexnika bölməsi şirkətin əməliyyatlarının 75 faizini avtomatlaşdırmaq üzərində işləyir. Bu proses nəticəsində yalnız ABŞ-da 160 min iş yerinin ləğv ediləcəyi gözlənilir. Sənədlərdə qeyd olunur ki, avtomatlaşdırma şirkətə hər məhsul üzrə təxminən 30 sent qənaət etməyə imkan verəcək. Layihənin 2027-ci ilə qədər tam gücü ilə işləməsi planlaşdırılır. Ekspertlər xəbərdarlıq edirlər ki, bu dəyişikliklər Amazon-un əməliyyat səmərəliliyini artırsa da, ABŞ əmək bazarında ciddi sosial və iqtisadi təsirlər yarada bilər.

Apple -ın səhmləri NASDAQ birjasında sürətlə bahalaşaraq 4,8% artım nümayiş etdirib və bir səhm üçün 264,38 dollar qiymət həddinə çatıb. GDP xəbər vetir ki, bu, texnoloji nəhəngin tarixində ən yüksək göstərici olub. Ekspertlərin fikrincə, artımın əsas səbəbi iPhone 17 modelinin ABŞ və Çin bazarlarında güclü satış göstəriciləridir. Yeni smartfon əvvəlki iPhone 16 modelini populyarlıq baxımından geridə qoyub və satışlar şirkətin maliyyə göstəricilərinə birbaşa təsir edib. Bu fonunda Apple-ın bazar kapitallaşması 3,92 trilyon dollara yüksəlib. Bununla da şirkət dünyada dəyərinə görə ikinci yerə yüksəlib — siyahının lideri isə hələ də NVIDIA olaraq qalır.