Author: Aynure Gdp

Microsoft bu il ABŞ və Çindəki rəqiblərindən iki dəfə çox Nvidia çipi satın alıb. GDP xəbər verir ki,şirkət, süni intellekt infrastrukturasına investisiyalarını artıraraq, ümumilikdə 485 min Nvidia Hopper çipi alıb. Bu göstərici ilə Microsoft, Nvidia-nın ABŞ-dakı növbəti ən böyük müştərisi olan Meta-nı (224 min çip) və bulud hesablama sahəsində rəqibləri olan Amazon və Google-u geridə qoyub. Texnologiya üzrə konsaltinq şirkəti Omdia-nın analitikləri qeyd edirlər ki, Microsoft-un süni intellekt texnologiyalarına böyük marağı şirkəti bu sahədə lider mövqeyə çıxarıb.

Azərbaycan Prezidenti İlham Əliyev Ermənistanın Qarabağda işğal illərində vurduğu zərərin təqribən 150 milyard dollardan çox olduğunu açıqlayıb. GDP xəbər verir ki,bu barədə Prezident İlham Əliyev “Rossiya Seqodnya” Beynəlxalq İnformasiya Agentliyinin baş direktoru Dmitri Kiselyova verdiyi müsahibədə bildirib. Prezident qeyd edib ki, vurulmuş zərərin ətraflı təhlili və sənədləşdirilməsi son 4 ildə başa çatdırılıb. “Bu yaxınlarda biz vurulmuş zərərin təhlilini başa çatdırdıq, həm də bunu ətraflı etdik. Biz buna 4 il vaxt sərf etdik və orada hər şey sənədlərlə qeyd olunub,” – deyə o vurğulayıb. Prezident İlham Əliyev qarşılıqlı iddialardan imtinanın hər iki tərəf üçün daha məqsədəuyğun olduğunu da bildirib: “Bu, təqribən…

ABŞ Federal Ehtiyat Sistemi (FED) uçot dərəcəsini ardıcıl olaraq üçüncü dəfə 25 baza bəndi azaldaraq 4,25–4,5% səviyyəsinə endirib. GDP xəbər verir ki, bu barədə tənzimləyicinin yaydığı mətbuat açıqlamasında bildirilib. FED-in iki günlük iclasının nəticələrinə görə, iqtisadi aktivliyin “əmin templərlə” artdığı vurğulanıb. İnflyasiya 2% hədəfinə yaxınlaşıb, lakin bir qədər yüksək olaraq qalır. İlin əvvəlindən əmək bazarında ümumi şəraitin yaxşılaşdığı, lakin işsizlik səviyyəsinin az miqdarda artdığı və yenə də aşağı səviyyədə qaldığı qeyd edilib. “Komitə hesab edir ki, məşğulluq və inflyasiya məqsədlərinə nail olmaq üçün risklər təxminən balanslaşdırılıb,” – deyə açıqlamada bildirilir. FED-in yeni proqnozları: FED-in İctimai Bazar Əməliyyatları Komitəsinin (FOMC) üzvlərinin…

Azərbaycanda rəqəmsal savadlılığın vəziyyəti ilə bağlı yeni araşdırma maraqlı nəticələr ortaya qoyub. GDP xəbər verir ki, Kaspersky tərəfindən keçirilmiş sorğuya görə, ölkədə rəqəmsal bacarıqların inkişafı əhəmiyyətli bir problem olaraq qalmaqdadır. Belə ki, rəqəmsal savadlılıq üzrə təlimlərdə yalnız 42% iştirak edib, bu isə əmək bazarında ciddi çatışmazlıqlara işarə edir. Azərbaycanlılar inanırlar ki, daha yüksək rəqəmsal bacarıqlara malik olsalar, gəlirlərini təxminən 36% artıra bilərlər. Xüsusilə gənc nəsil bu potensialı daha yüksək qiymətləndirir – 18-25 yaş qrupu hesab edir ki, texnologiyalara daha dərindən yiyələnsələr, gəlirləri təxminən 1,5 dəfə (47%) çoxala bilər. Şirkətlər üçün bu vəziyyət ciddi risklərlə müşayiət olunur. Rəqəmsal savadlılığın aşağı səviyyəsi…

Azərbaycan Respublikası Mərkəzi Bankı əlverişli xarici sektor göstəriciləri fonunda valyuta bazarındakı sabitliyi qorumağa davam edir.  GDP xəbər verir ki, Bank tərəfindən təşkil edilən valyuta hərraclarında tələb tam şəkildə təmin olunur. Mərkəzi Bank, əvvəlcədən açıqlanan plana uyğun olaraq, 2023-cü ildə daxili bazardan aldığı xarici valyuta hesabına birdəfəlik dövlət xərclərini qarşılamaq üçün 2024-cü ilin noyabr ayında da planlı valyuta satışını davam etdirib. 2024-cü ilin noyabr ayının sonuna Bankın valyuta ehtiyatları 10.9 milyard ABŞ dolları təşkil edib. Bu göstərici beynəlxalq kifayətlilik normalarını əhəmiyyətli dərəcədə üstələyir. Qeyd olunub ki, Mərkəzi Bankın mövcud valyuta ehtiyatları səviyyəsi ölkənin 3 aylıq mal və xidmət idxalından 2 dəfə çoxdur. Mərkəzi Bankın…

Cari ilin noyabr ayının sonuna Azərbaycan Mərkəzi Bankının Bankın valyuta ehtiyatları 10.9 milyard ABŞ dolları təşkil edib. GDP Mərkəzi Banka istinadən xəbər verir ki, bu göstərici beynəlxalq kifayətlilik normalarını əhəmiyyətli dərəcədə üstələyir. Mərkəzi Bankın hazırkı valyuta ehtiyatları 3 aylıq mal və xidmət idxalından 2 dəfə çoxdur. Bu ehtiyat səviyyəsi valyuta bazarında sabitliyin qorunması üçün etibarlı baza təmin edir. Bundan əlavə, cari əməliyyatlar hesabında proqnozlaşdırılan profisit, 2025-ci ildə də valyuta bazarındakı sabitliyin davam edəcəyinə dair nikbinlik yaradır. Oktyabr ayında açıqlanan proqnoza əsasən, 2025-ci ildə cari əməliyyatlar hesabının profisiti 5.5 milyard ABŞ dolları təşkil edəcək.

Müvafiq tapşırıqlardan irəli gələn məsələlər Naxçıvanın inkişafı üçün hazırlanan strateji sənədlərdə öz əksini tapıb. Belə ki, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nda “Dövlət müəssisə və şirkətlərinin fəaliyyətində maliyyə hesabatlılığı və şəffaflığın gücləndirilməsi” bəndi nəzərdə tutulub. GDP xəbər verir ki, bunu Naxçıvanda keçirilən Maliyyə Forumunda çıxışı zamanı Hesablama Palatasının sədri Vüqar Gülməmmədov bildirib. Palata sədri qeyd edib ki, ötən il maliyyə hesabatlılığı və şəffaflığın gücləndirilməsinə dair Naxçıvanda keçirilən tədbirdəki çıxışımda dövlət sektorunda maliyyə şəffaflığının və hesabatlılığının minimal tələblərini səsləndirmişdim. Həmin tədbirdən 1 ildən bir qədər çox vaxt keçib. Bu dövr ərzində apardığımız auditlər və təhlillər bəzi…