Author: Aynure Gdp

Tesla və SpaceX-in qurucusu İlon Maskın Donald Trumpın seçki kampaniyasına yatırdığı sərmayə gözlənilməz şəkildə yüksək gəlir gətirib. GDP xəbər verir ki, CNBC-nin məlumatına görə, biznesmen kampaniyaya 130 milyon dollar yatırım edib və bu investisiya 540 dəfə gəlir gətirib. Tesla səhmlərinin son günlərdəki 40%-lik artımı nəticəsində Maskın şəxsi sərvəti təxminən 70 milyard dollar artıb. Bu artım onu dünyanın ən varlı ikinci insanı olan Oracle-ın həmtəsisçisi Larri Ellisondan 90 milyard dollar irəli çıxarıb. Hazırda Trampın əsas müttəfiqi sayılan Maskın ümumi aktivləri 320 milyard dollar səviyyəsindədir. Bundan əlavə, Maskın dəstəklədiyi Dogecoin (DOGE) kriptovalyutası son günlərdə 47% artaraq bazar dəyərini 62 milyard dollara çatdırıb.…

Birləşmiş Ərəb Əmirlikləri (BƏƏ) enerji strategiyasını 2050-ci ilədək yeniləyib və enerji istehlakında səmərəliliyi 45 %-ə qədər artırmağı planlaşdırır. Bunu BƏƏ-nin xarici işlər nazirinin köməkçisi Abdulla Balalaa BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində keçirilən “Nazirlər səviyyəsində dialoq: Bərpa olunan enerjidən istifadənin üç dəfə və enerji səmərəliliyinin iki dəfə artırılması üçün investisiyaların genişləndirilməsi” adlı tədbirdə deyib. O bildirib ki, BƏƏ enerji sektorunda xalis sıfır hədəfinə nail olmaq üçün əhəmiyyətli irəliləyiş əldə edib: “Biz, həmçinin şəbəkə emissiya əmsalını daha da azaltmağı hədəfləyirik ki, bu da BƏƏ-ni ən aşağı emissiya dərəcəsinə malik ölkələrdən birinə çevirəcək. BƏƏ olaraq, biz təmiz enerji…

Kriptovalyuta bazarının flaqmanı olan Bitcoin 86 min dollar səviyyəsini keçərək son 24 saatda 6.98% artım qeydə alıb. GDP xəbər verir ki, bazarda ən çox diqqəti cəlb edən artım isə İlon Mask ilə əlaqələndirilən Dogecoin kriptovalyutasında müşahidə edilib – 16.32% artımla 0.3217 ABŞ dolları səviyyəsinə yüksəlib. Bazarın ikinci ən böyük kriptovalyutası Ethereum da 3.39% artaraq 3,323 dollar səviyyəsini görüb. Digər əsas kriptovalyutalardan Solana 4.11%, BNB isə 0.01% artım nümayiş etdirib. Ümumilikdə kriptovalyuta bazarının dəyəri 3 trilyon dolları keçməklə yeni bir rekord səviyyəyə çatıb. Bu, kriptovalyutalara olan marağın və institusional investorların bazara olan inamının artdığını göstərir.

İqtisadiyyat naziri Mikayıl Cabbarov Avropa Yenidənqurma və İnkişaf Bankının (EBRD) birinci vitse-prezidenti Jurgen Rigterink ilə görüşüb. GDP xəbər verir ki, görüşdə Azərbaycanın BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasında (COP29) ev sahibliyi, qlobal iqlim fəaliyyətində aktiv iştirakı və EBRD ilə müxtəlif istiqamətlər üzrə uğurlu tərəfdaşlığı qeyd edilib. Bildirilib ki, ölkəmizin sosial-iqtisadi inkişaf hədəflərində yaşıl iqtisadiyyatın təşviqi mühüm yer tutur. Görüş zamanı Bankla yaşıl iqtisadiyyat, bərpa olunan və alternativ enerji mənbələrindən istifadə sahəsində birgə fəaliyyətin gücləndirilməsi, dövlət-özəl tərəfdaşlığının dəstəklənməsi, infrastruktur və digər istiqamətlər üzrə layihələrin icrası məqsədilə atılacaq addımlar müzakirə edilib. Əməkdaşlığın enerji sahəsində aşağı karbonlu həllərə keçid…

Azərbaycan Respublikasının İqtisadiyyat Naziri Mikayıl Cabbarov San-Tome və Prinsipi Demokratik Respublikasının ətraf mühit naziri Nilda da Mata və planlaşdırma, maliyyə və mavi iqtisadiyyat naziri Qinesio da Mata ilə görüş keçirib. GDP xəbır verir ki, bu barədə Mikayıl Cabbarov rəsmi “Twitter” hesabında məlumat verib. Görüşdə ikitərəfli iqtisadi münasibətlərin inkişafı, alternativ enerji mənbələrindən istifadənin genişləndirilməsi və dayanıqlı biznes strategiyalarının formalaşdırılmasının əhəmiyyəti müzakirə olunub. Tərəflər iki ölkə arasında kənd təsərrüfatı, sənaye və bərpa olunan enerji sahəsində əməkdaşlıq imkanlarını araşdıraraq, iqtisadi əlaqələrin inkişafını təşviq etmək üçün mövcud potensialı nəzərdən keçiriblər. Həmçinin birgə fəaliyyətin prioritetləri üzrə bir sıra təkliflər də irəli sürülüb.

Avropa Yenidənqurma və İnkişaf Bankının prezidenti Azərbaycanda səfərdədir GDP xəbər verir ki, Avropa Yenidənqurma və İnkişaf Bankının prezidenti Odil Reno-Basso BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak etmək məqsədilə noyabrın 11-də Azərbaycana səfərə gəlib. Heydər Əliyev Beynəlxalq Aeroportunda qonağı Xarici İşlər Nazirliyinin İdarə rəisi Elçin Mirzəyev və digər rəsmi şəxslər qarşılayıblar.

Qızılın qiyməti bazar günü unsiyası 2,630 dollara qədər düşərək son bir ayın ən aşağı səviyyəsinə enib. GDP xəbər verir ki, bu düşüşün əsas səbəbləri ABŞ dollarının güclənməsi və investorların bu həftə açıqlanacaq vacib iqtisadi göstəricilər öncəsi daha təhlükəsiz aktivlərə üz tutmasıdır. Donald Trampın prezident seçilməsindən sonra genişləyən fiskal siyasət gözləntiləri investorları riskli aktivlərə yönəltməyə davam etdirmiş, bu da qızıl və xəzinə kağızlarına olan tələbi azaltmışdır. Bundan başqa, ABŞ texnologiya şirkətlərinin səhmlərindəki yüksəliş və bitcoinin qiymətinin artması da bu trendi gücləndirir. Tramp administrasiyasının daha yüksək tariflər tətbiq etmə ehtimalı, inflyasiyanın yüksəlməsi və buna bağlı olaraq Federal Ehtiyat Sisteminin gələn il faiz…

Mis fyuçerslərinin qiyməti bazar ertəsi 1 funt üçün 4.2 dollar səviyyəsinə qədər düşərək son iki ayın ən aşağı səviyyəsinə çatıb. GDP xəbər verir ki, ABŞ dollarının güclənməsi və Çindən gözlənilən iqtisadi dəstəyin zəif olması bu enişin əsas səbəblərindən biridir. Çin Milli Xalq Konqresi yerli hökumətlərin balansdankənar borclarını üzərinə götürmək və onların daha ucuz kreditlərə çıxışını təmin etmək üçün 10 trilyon yuan dəyərində borc dəyişmə paketi açıqlayıb. Bununla belə, istehlakçıları hədəfləyən yeni vəsait axınının olmaması bu tədbirin istehsalat sektoruna dəstək verəcəyinə dair gözləntiləri zəiflədib, bu isə misə olan sənaye tələbinin perspektivlərinə mənfi təsir edib. ABŞ-da prezident seçilən Trampın genişlənən fiskal siyasəti…

PAŞA Kapital İnvestisiya Şirkəti 2024-cü ilin yanvar-oktyabr ayları ərzində Azərbaycan maliyyə bazarındakı mövqeyini daha da möhkəmləndirməyə müvəffəq olub. GDP xəbər verir ki, bu barədə Bakı Fond Birjasında ticarət olunan bazarlar üzrə birja üzvlərinin dövriyyələri ilə bağlı aylıq hesabatda məlumat verilib. Şirkətin həyata keçirdiyi ümumi əməliyyatların həcmi 2023-cü ilin yanvar-oktyabr ayları ərzində 15.93 milyard manatdan 2024-cü ilin müvafiq dövründə 21.47 milyard manata yüksələrək, 34.80% və ya 5.54 milyard manat artım nümayiş etdirib. Bu əhəmiyyətli artım şirkətin bazar payının 28%-ə yüksəlməsinə səbəb olub.Bu göstərici ilə PAŞA Kapital İnvestisiya Şirkəti ölkədə yalnız bazarın 52.1%-inə nəzarət edən “ABB Invest İnvestisiya Şirkəti” QSC-dən geri qalır.…