Author: Aynure Gdp

Ölkə olaraq iqtisadiyyat ölkə olaraq iqtisadiyyat olaraq rəqabət orqanının əsas məqsədlərindən biri də qəbul olunmuş rəqabət qanunvericiliyinin iqtisadiyyata tam adaptasiyasını təmin etməkdir, tam mənimsənilməsini təmin etməkdir. GDP xəbər verir ki,bunu Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli “Milli Rəqabət Forumunda çıxışı zamanı deyib. O bildirib: “Rəqabət mədəniyyəti dediyimiz bu məfhum elə bunu özündə ehtiva edir ki, biz rəqabət qanunvericiliyinin bütün ölkəmizdə tam mənimsənilməsini təmin edə bilər.” Məmməd Abbasbəyli qeyd edib: “Rəqabət mədəniyyəti dedikdə rəqabətin gətirdiyi faydaları mütləq qaydada müzakirə etmək vacibdir və bu forumun növbəti panellərində bu isti müzakirələr aparılacaqdır”

2024-cü ilin yanvar-iyun aylarında Azərbaycanın qaz ixracı 12,7 milyard kubmetr təşkil edib. GDP xəbər verir ki, bu barədə energetika naziri Pərviz Şahbazov sosial şəbəkə hesabında yazıb. Bildirilib ki, ixracın 51 faizi (6,4 milyard kubmetri) Avropanın, 39 faizi (5 milyard kubmetri) Türkiyənin, 10 faizi (1,3 milyard kubmetri) isə Gürcüstanın payına düşüb.Hesabat dövründə TANAP Türkiyəni 2,8 milyard kubmetr qazla təchiz edib. Cari ilin ilk 6 ayı ərzində xaricə qaz satışı ötən ilin müvafiq dövrü ilə müqayisədə təqribən 6 faiz artıb.

Neft İxrac Edən Ölkələr Təşkilatı (OPEC) 2024-2025-ci il üçün ortalama gündəlik qlobal neft tələbatı üzrə proqnozunu yeniləyib. Bu barədə OPEC-in aylıq hesabatında bildirilir. Proqnoza əsasən, gələn il qeyd olunan göstəricinin 106,31 mln. barel olacağı proqnozaşdırılır (proqnoz dəyişməyib), bu da 2024-ci ilin proqnoz göstəricisi ilə müqayisədə 1,85 mln. barel çoxdur. OPEC bu il üçün qlobal neft tələbatının 104,46 mln. barel (proqnoz dəyişməyib) səviyyəsində olacağını proqnozlaşdırır, bu da 2023-cü ilin göstəricisi ilə müqayisədə 2,25 mln. barel artım deməkdir. Hesabata əsasən, ötən il qlobal gündəlik neft tələbatı 102,21 mln. barel səviyyəsində olub, bu da illik müqayisədə 2,55 mln. barel artım deməkdir. Qeyd edək…

Sifariş icra edilmədikdə, sifariş üzrə ödənilmiş məbləğ investorun bank hesabına geri qaytarılacaq. GDP xəbər verir ki, bunu ABB-nin yeni buraxılmış səhmlərinə abunə yazılışı barədə məlumat verən “ABB İnvest” Şirkətinin direktoru Nadir Babazadə deyib. O bildirib: “Bir mühüm məlumatı da diqqətə çatdırmaq istərdim. Nəzərə alaraq ki, səhmlərin dəyərini əvvəlcədən ödəyən investorların vəsaitləri 10 sentyabr tarixinə qədər ABB-də qalacaq, onların bu vəsaitlərindən də qazanmaları üçün ABB daha bir sərfəli fürsət yaradıb.” Nadir Babazadə ABB səhmlərini əldə edə bilməyib vəsaiti geri qaytarılanlara faiz ödəniləcəyini qeyd edib: ” Onlar 10 sentyabr tarixinə qədər ABB-də qalan vəsaitlərinə görə 7% illik gəlirliliklə faiz qazancı əldə edirlər.…

Bu gün Xəzərin “Abşeron” qaz-kondensat yatağından hasilata başlanmasından bir il keçir. GDP xəbər verir ki, yatağın hasilata başlamasından ötən 1 il ərzində yataqdan bir hasilat quyusundan 1,5 milyard kubmetr təbii qaz və 580 min ton (təxminən 4,7 milyon barel) kondensat çıxarılıb Abşeron layihəsinin səhmdarları Azərbaycan Dövlət Neft Şirkəti-SOCAR Totalenergies və ADNOC şirkətləridir.

Mərkəzi Bankın sədrinin birinci müavini Rəşad Orucovun rəhbərliyi ilə nümayəndə heyəti “Visa” təşkilatının MDB və Cənub-Şərqi Avropa ölkələri üzrə baş vitse-prezidenti və regional meneceri Kristina Doroş ilə görüşüb.GDP xəbər verir ki, görüş çərçivəsində ictimai nəqliyyatda nağdsız ödənişlərin genişləndirilməsi, ağıllı şəhər və ağıllı kənd konsepsiyasının tətbiqi, eləcə də rəqəmsal ödənişlər üzrə dələduzluq hallarının qarşısının alınması kimi məsələlər müzakirə olunub.Görüşdə həmçinin qurumların əməkdaşlığı çərçivəsində həyata keçirilən və perspektivdə olan təşəbbüslər barədə fikir mübadiləsi aparılıb.

Abunə yazılışının müddətinin sonunda ABB-nin üstünlük hüququndan istifadə etmək niyyəti bildirmiş səhmdarlarının sifarişləri xaric, bütün sifarişlər qiymətə görə sıralanmaqla icra olunacaq. GDP xəbər verir ki, bunu ABB-nin yeni buraxılmış səhmlərinə abunə yazılışı barədə məlumat verən “ABB İnvest” Şirkətinin direktoru Nadir Babazadə deyib. O bildirib:” Əgər toplanan sifarişlər üzrə alınan səhmlərin sayı təklif edilən səhmlərin sayından, yəni 322 000 000 ədəddən çox olsa, daha yüksək qiymətlə verilmiş sifarişlər ilk növbədə icra ediləcək.” Nadir Babazadə eyni qiymətə verilmiş sifarişləriicra edilmə şərtlərinə də aydınlıq gətirib.: “Eyni qiymətlə verilmiş sifarişlər isə sifariş üzrə alınan səhmlərin sayına görə mütənasib qaydada icra ediləcək.”

Əhalinin hər nəfərinə düşən ÜDM 5840,7 manata bərabər olub. GDP xəbər verir ki, 2024-cü ilin yanvar-iyun aylarında ölkədə 59520,4 milyon manatlıq və ya əvvəlki ilin eyni dövrü ilə müqayisədə 4,3 faiz çox ümumi daxili məhsul istehsal olunub. İqtisadiyyatın neft-qaz sektorunda əlavə dəyər 0,6 faiz, qeyri neft-qaz sektorunda isə 6,9 faiz artmışdır. ÜDM istehsalının 38,5 faizi sənaye, 9,7 faizi ticarət; nəqliyyat vasitələrinin təmiri, 7,0 faizi nəqliyyat və anbar təsərrüfatı, 5,8 faizi tikinti, 5,8 faizi kənd təsərrüfatı, meşə təsərrüfatı və balıqçılıq, 2,4 faizi turistlərin yerləşdirilməsi və ictimai iaşə, 1,7 faizi informasiya və rabitə sahələrinin, 19,5 faizi digər sahələrin payına düşmüş, məhsula və…

Mərkəzi Bankın sədri Taleh Kazımovun rəhbərlik etdiyi nümayəndə heyəti Beynəlxalq Maliyyə Korporasiyasının (BMK) iqlim məsələləri üzrə qlobal direktoru Cemi Fergüson ilə görüşüb. GDP Azərbaycan Mərkəzi bankının yayımladığı məlumata istinadən xəbər verir ki, görüş zamanı COP29 və yaşıl maliyyə üzrə hədəflər və öhdəliklər, dayanıqlı maliyyə üzrə əlverişli mühitin formalaşdırılması və taksonomiyanın hazırlanmasında BMK ilə əməkdaşlıq müzakirə olunub. Dayanıqlı iqtisadiyyata keçid istiqamətində Mərkəzi Bank tərəfindən həyata keçirilən təşəbbüslər ətrafında fikir mübadiləsi aparılıb.Görüşdə həmçinin qurumlar arasında ikitərəfli maraq doğuran digər mühüm məsələlər və əməkdaşlıq perspektivləri nəzərdən keçirilib.

Moody’s reytinq agentliyinin hesabatına əsasən, Azərbaycan iqtisadiyyatının dollardan asılılığının azaldılması valyuta bazarlarının əhəmiyyətli volatilliyə məruz qalmasını azaldıb və bu da öz növbəsində kreditlərin xarici risklərə həssaslığını azaldıb. Bankların valyuta riskləri ilə bağlı prudensial tədbirlər sərtləşdiyindən maliyyə sistemində dollarlaşma azalmaqda davam edir. Pul siyasətinin güclü effektivliyi və etibarlılığı qərarların qəbulunda şəffaflığı artıran islahatları, eləcə də makroprudensial risklərin monitorinqi və idarə olunmasına proaktiv yanaşmanı əks etdirir. “2022-ci ilin sonunda yeni əməliyyat çərçivəsinin tətbiqi yolu ilə pul siyasətinin ötürülməsini yaxşılaşdırmaq üçün son və davam edən səylər siyasətin effektivliyini daha da artırmalı və uzunmüddətli perspektivdə inflyasiya hədəflənməsinə keçid üçün zəmin hazırlamalı olan islahatlara sadiqliyi nümayiş etdirir”, hesabatda…