Author: Aynure Gdp

ICE Futures birjasında Brent neftinə olan fyuçers müqavilələrinin kotirovkaları ani olaraq 2,25% aşağı düşərək, hər barrel üçün 61,96 dollar olub. GDP xəbər verdi ki,bu növ neft 22 oktyabrdan bəri 62 dollardan aşağı qiymətə satılmamışdı. Qiymətlər üçüncü gün ardıcıl olaraq aşağı düşür. Reuters agentliyi bildirir ki, ABŞ Rusiya və Ukrayna arasında dünya neft bazarında təklifi artıra biləcək sülh sazişinə israr edir, eyni zamanda faiz dərəcələri ilə bağlı qeyri-müəyyənlik investorların risk meyilliyini məhdudlaşdırır.

İpoteka və Kredit Zəmanət Fondu (Fond) satmaq öhdəliyi ilə kirayə mexanizmi çərçivəsində Sumqayıt şəhəri, Sülh küçəsində yerləşən yaşayış kompleksində daha 207 yeni, tam təmirli mənzili vətəndaşlara təqdim edib. GDP Fonda istinadən xəbər verir ki, yaşayış sahələri 1 və 2 otaqlı olmaqla, aylıq ödənişləri 597 manatdan başlayır. Yeni mənzillər seçim üçün noyabrın 28-si saat 15:00-dan açıq olacaq. Vətəndaşlar təqdim olunan yaşayış sahələrinin siyahısı ilə bu keçid vasitəsilə tanış ola bilərlər. Müraciətlərin qəbulu və mənzil seçimi Elektron hökumət portalına (e-gov.az) inteqrasiya edilmiş Elektron ipoteka və kredit zəmanət sistemi üzərindən həyata keçirilir. İndiyə qədər satmaq öhdəliyi ilə kirayə mexanizmi çərçivəsində 8 457 kirayə müqaviləsi bağlanıb.

Yapon yeninin dollar qarşısında dəyəri sürətlə düşməyə davam edir.

Azərbaycanın Mərkəzi Asiya blokuna qoşulması ABŞ və Avropa üçün yeni geosiyasi imkanlar açır. “Bu blok qərb ölkələri ilə əlaqələri gücləndirir ki, bu da energetika, tənzimləyici minerallar və Rusiya ilə Çinin strateji nəzarətinin qarşısının alınması sahələrində əməkdaşlıq üçün yeni imkanlar açır”,- deyə Forbes məqaləsində qeyd olunur. Xüsusi diqqət Azərbaycanın energetika və nadir torpaq elementləri sahəsindəki strateji potensialına yönəldilib. Forbes qeyd edir ki, ölkə əhəmiyyətli neft, qaz və nadir torpaq metal ehtiyatlarına malikdir – bu resurslar qlobal sənaye və regional iqtisadiyyat üçün açıcı əhəmiyyət kəsb edir. Beynəlxalq Energetika Agentliyinin məlumatına görə, Azərbaycan “dünyada ən yüksək enerji özünəyetərlilik göstəricilərindən birinə malikdir, xam neft…

Ünvanlı dövlət sosial yardımının təyin edilməsi məqsədilə 2026-cı il üçün ehtiyac meyarının həddi 300 manat məbləğində təsdiq ediləcək. Bu, Milli Məclisin bu gün keçirilən iclasında müzakirəyə çıxarılan “Azərbaycan Respublikasında 2026-cı il üçün ehtiyac meyarının həddi haqqında” qanun layihəsində əksini tapıb. Beləliklə, gələn il üçün ehtiyac meyarı 15 manat artırılacaq. Müzakirələrdən sonra layihə səsverməyə çıxarılaraq birinci oxunuşda qəbul edilib.

Bakı Fond Birjası (BFB) yaxın günlərdə bazar iştirakçılarına interaktiv statistik həll təqdim edəcək. Bu yenilik treyderlərə, analitiklərə və data mütəxəssislərinə bazar göstəricilərini daha dərindən təhlil etmək, məlumatları real vaxtda izləmək və qərarvermə prosesini optimallaşdırmaq imkanı yaradacaq. GDP xəbər verir ki, bunu BFB-nin İdarə Heyəti sədrinin müavini Oqtay Qasımov Bakıda keçirilən IX Beynəlxalq Bank Forumunun ikinci günündə bildirib. Onun sözlərinə görə, yenilənmiş veb-səhifədə istifadəyə verilən “Bazara baxış” bölməsi vətəndaşlara və investorlara bazarda bu gün ticarətdə olan qiymətli kağızlar, mövcud istiqrazlar və ümumi bazar seqmentləri barədə operativ məlumat təqdim edir. Qasımov qeyd edib ki, təqdim olunacaq yeni analitik həllər bazar iştirakçılarının məlumatlara…

Rəqəmsal fırıldaqçılıq hallarının böyük əksəriyyəti vətəndaşların psixoloji cəhətdən manipulyasiya edilməsi yolu ilə həyata keçirilir. Bu məlumatı Azərbaycan Mərkəzi Bankının (AMB) ödəniş sistemləri və məhsulların inkişafı üzrə mütəxəssisi Elvin Cuvarov IX Beynəlxalq Bankçılıq Forumunda çıxışı zamanı bildirib. O qeyd edib ki, Daxili İşlər Nazirliyi, Mərkəzi Bank, banklar və finteklərdən ibarət ekspert qrupu yaxın gələcəkdə genişləndirilməsi nəzərdə tutulan pilot layihə üzərində işləyir. Cuvarovun sözlərinə görə, Daxili İşlər Nazirliyinə daxil olan şikayətlər əsasında təhlil göstərir ki, fırıldaqçılığın üç əsas növü var və onların təxminən 80-90%-i “müştərinin manipulyasiya olunması” kateqoriyasına aid edilir. Bu, həmçinin sosial mühəndislik adlanır. Mütəxəssis fırıldaqçılığın əsas kateqoriyalarını belə izah edib:…

25-ci ilin noyabr ayında Aqrar Sığorta Fondu tərəfindən ölkədə ilk dəfə olaraq meyvə bağlarında doludan keyfiyyət itkisi üzrə sığorta ödənişi həyata keçirilib. GDP xəbər verir ki, Tərtər rayonun Kəbirli kəndində yerləşən “Aqropat” MMC şirkətinə məxsus meyvə bağları 2025-ci ilin may ayında dolu yağması nəticəsində ciddi təsirə məruz qalıb. Dolu nəticəsində təsərrüfatda həm miqdar, həm də keyfiyyət itkisi baş verib. Qeyd edək ki, dolu nəticəsində yaranan keyfiyyət itkisi riski Azərbaycan Respublikası Nazirlər Kabinetinin 30 oktyabr 2020-ci il tarixli qərarı ilə təsdiqlənmiş “Aqrar sığorta Qaydaları”nda nəzərdə tutulur. Dolu nəticəsində məhsullarda yaranan keyfiyyət itkisi – dolunun vurduğu zədələr nəticəsində meyvənin qabıqlarının çapılması, qaralması,…

IX Beynəlxalq Bankçılıq Forumunda çıxış edən Bank Respublika ASC-nin İnformasiya Təhlükəsizliyi Departamentinin direktoru Xətai Gəncəliyev sektorda mərkəzləşdirilmiş anti-fraud sisteminin tətbiqi ilə bağlı mövcud vəziyyət və qarşıda duran çətinliklərdən danışıb. GDP -nin məlumatına görə, Xətai Gəncəliyev bildirib ki, digər banklar kimi Bank Respublika da mərhələli şəkildə mərkəzləşdirilmiş fırıldaqçılıqla mübarizə sisteminə keçid prosesini həyata keçirir. Lakin bu istiqamətdə bir sıra mövcud və potensial çətinliklər mövcuddur. Onun sözlərinə görə, ən əsas problemlərdən biri bulud həllərinə dair mövcud məhdudiyyətlərlə bağlıdır. Birinci və əsas çətinlik kimi bulud həllərinə qoyulan məhdudiyyətlər göstərildi. Direktor bildirdi ki, bazarda mövcud olan əsas təchizatçılar (vendorlar) demək olar ki, yalnız bulud…

2025-cü ilin oktyabr ayında “Azercell Telekom” Məhdud Məsuliyyətli Cəmiyyəti ümumi dəyəri 20 milyon manat olan istiqraz buraxılışını 27 oktyabr tarixində dövlət qeydiyyatına aldırmışdır. Şirkət istiqrazları “kütləvi təklif” üsulu ilə satışa çıxarıb. Eyni gündə, “Bakcell” Məhdud Məsuliyyətli Cəmiyyəti də istiqraz buraxılışı həyata keçirib. Şirkət 20 milyon ABŞ dolları dəyərində olan 20,000 ədəd istiqrazı qapalı yerləşdirmə üsulu ilə buraxmışdır. Hər bir istiqrazın nominal dəyəri 1,000 ABŞ dolları təşkil edir və ümumi buraxılışın həcmi 20 milyon ABŞ dolları olaraq müəyyən edilib. Qeyd edək ki,  2025-ci ilin oktyabrın 3-dən 30-dək olan dövr ərzində yerli səhmdar cəmiyyətləri və məhdud məsuliyyətli cəmiyyətlər tərəfindən manat və xarici…