Author: Aynure Gdp

Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyinin direktoru Azər Mursaqulov bildirib ki, cari ilin aprel ayından etibarən, milli valyutada olan xəzinə vəsaitlərinin daha səmərəli idarə edilməsinə başlanılıb. Bu dövr ərzində, yerli banklarda depozit şəklində yerləşdirilən vəsaitlərdən əldə olunan gəlirlər 75.1 milyon manata çatıb. GDP -nin məlumatına görə, Mursaqulov qeyd edib ki, bu ilin aprel ayından etibarən 22 depozit hərracı keçirilib. 2024-cü ildə isə depozit hərracları keçirilmədiyindən, dövlət xəzinəsinə məxsus vəsaitlərin idarə olunmasından əldə edilən gəlir 17.5 milyon manat olub. Cari ildə, xüsusilə milli valyutada olan vəsaitlərin depozit şəklində yerləşdirilməsi ilə, gəlirlər əhəmiyyətli dərəcədə artaraq 75.1 milyon…

İpoteka və Kredit Zəmanət Fondu 2025-ci ilin yanvar-sentyabr ayları ərzində 2024-cü ilin eyni dövrü ilə müqayisədə ümumi ipoteka kreditlərinin həcmi 3,2% azalıb və 365,6 milyon manatdan 354 milyon manata düşüb. GDP xəbər verir ki, verilən kreditlərin orta məbləği əhəmiyyətli dərəcədə artıb. 2024-cü ildə bu məbləğ 94 683 manat idisə, 2025-ci ildə 104 800 manata yüksəlib ki, bu da 10,7%-lik bir artım deməkdir. Bu artım daşınmaz əmlak qiymətlərinin yüksəlməsi və daha bahalı mənzillərə olan tələbin artması ilə əlaqədardır. Güzəştli ipoteka kreditlərində isə dəyişikliklər daha sabit olub. Güzəştli kreditlərin həcmi 3,8% artaraq 66,5 milyon manatdan 69 milyon manata yüksəlib. Həmçinin, güzəştli ipoteka…

Ölkənin aparıcı banklarından biri olan Azərbaycan Beynəlxalq Bankının (ABB) rəhbər heyəti uzunmüddətli tərəfdaşı Veysəloğlu Şirkətlər Qrupunu (VŞQ) səfər edib. Tərəflər arasında VŞQ-nin Mərkəz ofisində baş tutan görüşdə ABB tərəfdən İdarə Heyətinin sədri Abbas İbrahimov, Korporativ və KOS Satış ofisinin rəhbəri Ülvi Qasımov və ofisin direktor müavini Taleh Abbasov iştirak ediblər. Veysəloğlu Şirkətlər Qrupunu isə təsisçi və Baş icraçı direktor Aydın Talıbov, Qrup CEO-nun Maliyyə və İnzibati İdarəetmə üzrə müavini Kenul Karimova, “OBA” marketlər şəbəkəsinin İdarə Heyətinin sədri Natavan İbrahimova və digər rəhbərlər qarşılayıblar. Görüş səmimi və işgüzar atmosferdə baş tutub. Tərəflər qarşılıqlı fəaliyyət istiqamətləri, son dövr ərzində əldə edilən nailiyyətlər…

ARDF-in Daşınmaz Əmlak Departamentinin rəhbəri Elşən Həziyev keçən həftə həmkarı Könül Cavadova ilə birlikdə Tokioda Asiya-Sakit okean (APAC) regionunun aparıcı alternativ investisiya idarəedicilərindən biri olan “PAG Real Assets” şirkətinin İllik Toplantısında iştirak edib. GDP xəbər verir ki, tədbirdə Neft Fondu rəsmilərinin PAG-ın rəhbərliyindən bazar perspektivlərini dinləmək, həmçinin ARDNF-in Yaponiya, Cənubi Koreya, Sinqapur, Avstraliya və Yeni Zelandiyadakı investisiyalarının güclü performansını və çoxşaxəli portfeli ilə tanış olub. Toplantı çərçivəsində Elşən Həziyev, PAG-ınİcraçı Direktoru və Həmtəsisçisi, həm də “Alibaba”nın Müstəqil Direktoru Veycan Şan ilə görüşüb. Görüşdə Azərbaycanın tarixi, Qarabağ atları və ARDNF-in investisiya hədəfləri kimi müxtəlif mövzular müzakirə edilib. “Bu qədər məlumatlı və…

2025-ci ilin 30 sentyabr tarixinə olan PAŞA Bank-ın maliyyə nəticələrinə görə bankın ümumi aktivlər 2024-cü ilin müvafiq dövrü ikə müqaisədə 4,2% artıb artaraq 8,575,821 min manatdan 8,932,496 min manata yüksəlib. GDP xəbər verir ki, bu artım əsasən banklar və digər maliyyə institutlarındakı depozitlərin 83,6% artım (1,039 mln. manat) hesabına baş verib. Lakin nağd pul vəsaitləri və ekvivalentləri 52,6% azalaraq 821,802 min manata düşüb.Eyni zamanda müştərilərə verilmiş kreditlər (xalis) 3,7% artıb 3,258,950 min manata çatıb. Kredit portfelinin strukturunda biznes kreditləri 2,6%, daşınmaz əmlak kreditləri 13,8% artdığı halda, istehlak kreditləri 17,9% azalıb.Digər aktivlər də 50,8% artaraq 291,317 min manata yüksəlib, bu da ehtimal ki, yeni investisiya və əməliyyat genişlənmələri ilə əlaqəlidir. 30 sentyabr tarixinə PAŞA Bank-ın ümumi öhdəliklər 2,6% artıb artaraq 7,737,070 min…

Gdp.az xəbər verir ki, Bakcell-in süni intellekt lotereyasında 14 avtomobildən 2-cisinin qalibi bəlli olub! Süni intellektin seçimi ilə Gülşən Hacıyeva növbəti “Zeekr 001” avtomobilinin qalibidir. O, bu gün qalib öz avtomobilini təhvil alıb. Növbəti həftələrdə isə daha 11 “Zeekr 001” öz sahiblərini gözləyir! Meqa lotereyada həyəcan zirvədədir və hər gün daha da artır! Qalib olmaq istəyən Bakcell abunəçiləri “Şans” paketlərini əldə etməklə həm lotereyada əlavə şans, həm də şəbəkədaxili danışıq dəqiqələri qazanırlar. Ətraflı məlumat üçün: lotereya.bakcell.com

Azərbaycan Mərkəzi Bankının (AMB) sədri Taleh Kazimovun rəhbərlik etdiyi nümayəndə heyəti ABŞ-nin paytaxtı Vaşinqtona işgüzar səfər çərçivəsində “BlackRock” şirkətinin baş idarəçi direktoru və qlobal tərəfdaşlar ofisinin həmsədri Coud Abdel Macidlə görüşüb. GDP bu barədə AMB-yə istinadən xəbər verir. Məlumata görə, görüşdə qlobal maliyyə sisteminin son tendensiyaları, Azərbaycanda maliyyə bazarlarında həyata keçirilən islahatlar, sektorun inkişaf dinamikası, eləcə də investisiya alətlərinin və ehtiyatların idarə olunmasının diversifikasiyası kimi mühüm məsələlər müzakirə olunub, həmçinin əməkdaşlıq əlaqələrinin genişləndirilməsi perspektivləri ətrafında müzakirələr aparılıb.

Azərbaycan Mərkəzi Bankının (AMB) İdarə Heyətinin sədri Taleh Kazımov, ABŞ-nin Vaşinqton şəhərində Dünya Bankı və Beynəlxalq Valyuta Fondunun (BVF) İllik Toplantıları çərçivəsində Çin Xalq Bankının sədri Pan Qonşenq ilə görüşüb. GDP xəbər verir ki,görüşdə ikitərəfli əlaqələrin mövcud vəziyyətindən məmnunluq bildirilib və ötən ay imzalanmış Anlaşma Memorandumunun qurumlar arasında əməkdaşlığın daha da dərinləşdirilməsinə xidmət edəcəyinə əminlik vurğulanıb. Danışıqlar zamanı hər iki ölkənin mərkəzi bankları və maliyyə sektorları arasında tərəfdaşlığın genişləndirilməsi, habelə maliyyə texnologiyaları, innovasiyalar və ödəniş sistemləri sahəsində təcrübə və məlumat mübadiləsinin aparılmasının əhəmiyyəti qeyd edilib. Bu istiqamətlərdəki birgə fəaliyyətin əməkdaşlıq əlaqələrinin daha da dərinləşməsinə töhfə verəcəyi bildirilib.

Maliyyə Nazirliyinin yaxın 4 il üçün açıqladığı Ortamüddətli Xərclər Çərçivəsində öz əksini tapan məlumatlara əsasən, İqtisadiyyat Nazirliyi tərəfindən hazırlanan proqnoza görə orta illik inflyasiya 2029-cu ildə 4,2% səviyyəsinə enəcək. GDP xəbər verir ki, Nazirlik tərəfindən edilən qiymət proqnozlarında faktiki inflyasiya səviyyəsi, dünya üzrə əmtəə və ərzaq qiymətlərinin aşağı düşməsi, nominal effektiv məzənnə indeksinin dinamikası və tənzimlənən mal və xidmətlərin tariflərinin dəyişməsi kimi amillər nəzərə alınıb. Baza ssenari əsasında cari il üçün 5,4% proqnozlaşdırılan orta illik inflyasiyanın tədricən azalaraq 2029-cu ildə 4,2% səviyyəsinə enəcəyi gözlənilir. Bu, ölkədə qiymət sabitliyinin təmin edilməsi istiqamətində görülən işlərin effektivliyini əks etdirir. Maliyyə Nazirliyinin Ortamüddətli Xərclər…

Maliyyə Nazirliyinin yaxın 4 il üçün açıqladığı Ortamüddətli Xərclər Çərçivəsində öz əksini tapan məlumatlara əsasən, Azərbaycan Respublikasının İqtisadiyyat Nazirliyi tərəfindən təqdim olunan proqnozlara görə 2026-cı ilin sonuna ÜDM-in həcmi 134,1 milyard manat, o cümlədən qeyri-neft-qaz ÜDM-in həcmi 101,7 milyard manat təşkil edəcək. GDP xəbər verir ki, proqnozlara əsasən, 2029-cu ildə ÜDM-in 161,8 milyard manata qədər, o cümlədən qeyri-neft-qaz ÜDM-in həcmi isə 129,5 milyard manata qədər artacağı gözlənilir. Ortamüddətli dövrdə ÜDM-in real artım tempinin orta illik 3,5 faiz, qeyri-neft-qaz ÜDM-in isə 4,9 faiz olacağı proqnozlaşdırılır. Bu göstəricilər ölkə iqtisadiyyatının davamlı inkişafını və qeyri-neft sektorunun artan rolu təsdiqləyir. Maliyyə Nazirliyinin Ortamüddətli Xərclər…