2026-cı ilin yanvar–sentyabr aylarında Azərbaycanın dövlət sektoru üzrə idxal əməliyyatlarının dəyəri 1 milyard 343,89 milyon ABŞ dolları təşkil edib.
GDP Dövlət Gömrük Komitəsinin məlumatlarına istinadən xəbər verir ki, bu göstərici 2025-ci ilin eyni dövrü ilə müqayisədə 3 milyard 784,72 milyon ABŞ dolları və ya 73,80% azalıb.
Ötən ilin müvafiq dövründə dövlət sektorunun idxalı 5 milyard 128,61 milyon ABŞ dolları olmuşdu.
Eyni zamanda, özəl sektorun idxalı 10 milyard 33,09 milyon ABŞ dollarından 10 milyard 847,18 milyon ABŞ dollarına yüksəlib. Bu isə 814,09 milyon ABŞ dolları və ya 8,11% artım deməkdir.
Fiziki şəxslərin idxalı isə 1 milyard 607,29 milyon ABŞ dollarından 1 milyard 154,84 milyon ABŞ dollarına enərək 28,15% azalıb.
Nəticədə dövlət sektorunun ümumi idxalda payı 30,58%-dən 10,07%-ə düşüb. Özəl sektorun payı isə 59,84%-dən 81,28%-ə yüksəlib.