Azərbaycan Mərkəzi Bankının sədr müavini Vüsal Xəlilov Özbəkistan Respublikasına işgüzar səfəri çərçivəsində Özbəkistan Mərkəzi Bankı sədrinin birinci müavini Nodirbek Saydullayev ilə görüşüb.
Görüş zamanı innovativ maliyyə ekosisteminin formalaşdırılması və maliyyə texnologiyalarının inkişafı üzrə mövcud yanaşmalar, bu istiqamətdə gələcək perspektivlər, eləcə də sahə üzrə ixtisaslaşmış təşkilatların maliyyələşmə mənbələrinə çıxış imkanlarının genişləndirilməsi kimi aktual məsələlər müzakirə olunub.
Tərəflər maliyyə sektorunda innovativ həllərin tətbiqi, müasir texnologiyaların yaratdığı imkanlar və bu sahədə beynəlxalq təcrübənin öyrənilməsi ilə bağlı fikir mübadiləsi aparıblar.
Görüşdə, həmçinin Azərbaycan və Özbəkistanın mərkəzi bankları arasında institusional əməkdaşlığın daha da dərinləşdirilməsi, qarşılıqlı təcrübə mübadiləsinin genişləndirilməsi və perspektiv əməkdaşlıq istiqamətləri nəzərdən keçirilib.
