2026-cı ilin iyul ayının sonuna Azərbaycanda bankların xarici valyutada kredit portfelində əhəmiyyətli artım qeydə alınıb.
GDP Azərbaycan Mərkəzi Bankına (AMB) istinadən xəbər verir ki, xarici valyutada verilmiş bank kreditlərinin ümumi həcmi ötən ilin eyni dövründəki 4 milyard 55,2 milyon manatdan 5 milyard 108,3 milyon manata yüksəlib.
Beləliklə, bir il ərzində xarici valyutada kredit portfeli 1 milyard 53,1 milyon manat və ya 26% artıb.
Hesabat dövründə xarici valyutada uzunmüddətli kreditlərdə də artım müşahidə olunub. Belə kreditlərin həcmi 3 milyard 386,6 milyon manatdan 3 milyard 850,1 milyon manata çatıb. Bu isə illik müqayisədə 463,5 milyon manat və ya 13,7% artım deməkdir.
Rəqəmlər göstərir ki, xarici valyutada kredit portfelinin ümumi artım tempi uzunmüddətli xarici valyuta kreditlərinin artım tempini əhəmiyyətli dərəcədə üstələyib.