ABŞ fond bazarında risk indikatorlarının dotkom köpüyü dövrünün səviyyələrinə çatdığı bildirilir. GDP xəbər verir ki, analitiklərin fikrincə, investorların artan risk iştahı və bazardakı yüksək optimizm mümkün korreksiya risklərini yenidən gündəmə gətirib.
Goldman Sachs-ın göstəricilərinə görə investorların bazarda risk alma həvəsi kəskin artıb və qiymət yüksəlişləri normadan daha sürətli gedir. Analitiklər bildirirlər ki, bu cür yüksək optimizm və aktivlərin həddindən artıq bahalaşması tarixdə əsasən bazarın “köpük” mərhələsində müşahidə olunub və sonradan ciddi korreksiyalarla nəticələnib
Bazarın risk iştahı göstəricisi 1 səviyyəsini keçib, qiymət momentumu üzrə z-score isə 3-ə yüksəlib. Tarixdə bu göstəricilərin belə kombinasiyası yalnız bazarın həddindən artıq “bullish” olduğu və aktiv qiymətlərinin sürətlə şişdiyi dövrlərdə müşahidə olunub.
Mövzu ilə bağlı daha əvvəl səhmdarlarının toplantısında hazırkı bazarı kazinoya bənzədərək investorlar arasında görünməmiş qumar həvəsinin formalaşdığını bildirib.
Ekspertlər hazırkı vəziyyəti 1990-cı illərin sonu və 2000-ci illərin əvvəlində yaşanan “dotkom köpüyü” dövrü ilə müqayisə edirlər. Həmin dövrdə internet şirkətlərinin səhmləri real gəlir və fundamental göstəricilərdən asılı olmayaraq sürətlə bahalaşmışdı. İnvestorların texnologiya sektoruna həddindən artıq marağı nəticəsində bazarda böyük “köpük” yaranmış, 2000-ci ildə isə bu köpük partlayaraq kəskin çöküşə səbəb olmuşdu.
O dövrdə indeksində ciddi eniş qeydə alınmış, çoxsaylı texnologiya şirkətləri isə iflas etmişdi.
Analitiklər bildirirlər ki, hazırkı göstəricilər birbaşa bazar çöküşü anlamına gəlmir. Lakin bazarın fundamental dəyərlərdən uzaqlaşması və spekulyativ alqı-satqının artması investorlar üçün ehtiyatlı davranmağın vacibliyini artırır.