Vodafone Ukraine avrobondlar üzrə 12,4 milyon dollarlıq faiz ödənişini uğurla həyata keçirib
GDP.Az xəbər verir ki, NEQSOL Holdinqin bir hissəsi olan Vodafone Ukraine öz avrobondları üzrə 12,4 milyon dollarlıq müntəzəm faiz ödənişini uğurla həyata keçirib. Qeyd edək ki, kupon ödənişləri hər altı aydan bir həyata keçirilir.
Bundan əlavə, Vodafone Ukraine avrobondlar üzrə əsas məbləğin ödənilməsinə də davam edir və indiyədək vaxtından əvvəl 100 milyon dollar ödəyib. Bu, şirkətin öz öhdəliklərinə ciddi yanaşmasını göstərir və müharibə şəraitinə baxmayaraq, maliyyə dayanıqlığını sübut edir.
2020-ci ildə Vodafone Ukraine beynəlxalq kapital bazarlarında 6,2% dərəcəsi ilə avrobondlar buraxaraq yerləşdirmişdi. Bu emissiya Ukraynadan olan korporativ emitentlər arasında tarixdə ən aşağı qiymət dərəcəsi ilə uğurla açıqlanıb.
Qeyd edək ki, Böyük Britaniya, ABŞ, Türkiyə, Azərbaycan, Ukrayna, Niderland, Gürcüstan, Qazaxıstan, Birləşmiş Ərəb Əmirlikləri və digər ölkələrdə fəaliyyət göstərir və dünya üzrə 25 milyondan çox müştəriyə xidmət ediir.
NEQSOL Holdinq 1990-cı illərdə Sovet İttifaqının dağılması fonunda Neqsol Holdinq Qazaxıstan, Özbəkistan, Azərbaycan, Türkmənistan və digər keçmiş SSRİ ölkələrində broker xidmətləri göstərməyə başlayıb və ilk öncə kimya sənayesi məhsullarının təchizatı ilə məşğul olub.