“YAŞAT” Fondunun və “ASAN Könüllüləri” Təşkilatının birgə təşkilatçılığı, “TABİA Group” və “Lankaran Springs Wellness Resort” Hotelin tərəfdaşlığı ilə həyata keçirilən 5-ci “YAŞAT” düşərgəsinin altıncı həftəsi çərçivəsində “Rabitəbank” ASC tərəfindən şəhid övladları üçün maliyyə savadlılığı təlimi təşkil olunub.
Təlim Rabitəbankın uşaqlarda erkən yaşlardan maliyyə savadlılığını inkişaf etdirmək məqsədilə hazırladığı Kartmane Junior kartı və Rabita Junior mobil tətbiqi çərçivəsində təşkil olunub. İştirakçılar təlim zamanı Kartmane Junior kartının üstünlükləri və Rabita Junior tətbiqinin funksiyaları ilə tanış olub, şəxsi büdcənin idarə edilməsi, qənaət vərdişlərinin formalaşdırılması, təhlükəsiz kart istifadəsi, rəqəmsal ödənişlər və kibertəhlükəsizlik mövzularında praktiki biliklər əldə ediblər.
Praktiki nümunələr və müzakirələrlə zəngin keçən təlimin sonunda uşaqlar arasında bilik yarışı təşkil olunub. İştirakçılar öyrəndiklərini əyləncəli formatda sınamaq imkanı əldə edib. Sonda bütün düşərgə iştirakçılarına hədiyyələr təqdim olunub.
Qeyd edək ki, Kartmane Junior uşaqların ilk bank kartı təcrübəsini təhlükəsiz və məsuliyyətli şəkildə qazanmaları üçün hazırlanıb. Kartla birlikdə təqdim olunan Rabita Junior isə Azərbaycanda uşaqlar üçün yaradılmış ilk maliyyə mobil tətbiqidir. Platforma valideynlərə övladlarının maliyyə əməliyyatlarını nəzarətdə saxlamağa, uşaqlara isə xərclərini izləməyi, qənaət etməyi və maliyyələrini düzgün idarə etməyi öyrənməyə imkan yaradır. Rabitəbank bu məhsullarla yalnız innovativ bankçılıq həlləri təqdim etmir, eyni zamanda gələcəyin maliyyə savadlı nəslinin formalaşmasına töhfə verir.
Rabitəbank gənc nəslin maliyyə savadlılığının artırılmasını cəmiyyətin dayanıqlı inkişafına verilən mühüm töhfələrdən biri hesab edir və bu istiqamətdə maarifləndirici layihələrin həyata keçirilməsini davam etdirir.
Məlumat üçün bildirək ki, “Rabitəbank” ASC 1993-cü ildən etibarən fəaliyyət göstərir və “Rahat bankçılıq” konsepsiyası əsasında müştərilərinə müasir və əlçatan maliyyə xidmətləri təqdim edir. Bankın nizamnamə kapitalı 101,3 milyon manatdır. Ölkə üzrə geniş filial şəbəkəsi, rəqəmsal bankçılıq həlləri və peşəkar komandası ilə Rabitəbank müştərilərinə dəyər yaradan xidmətlər təqdim etməyə davam edir. Bankın əsas səhmdarları “Azərbaycan Banklar Assosiasiyası”nın prezidenti Nuriyev Zakir Əlibala oğlu və iş adamı, sahibkar Əliyev Rauf Zeynal oğludur.
Hal-hazırda “Rabitəbank” ASC 19 region və Bakı şəhəri üzrə ümumilikdə 31 xidmət məntəqəsi, 78 ATM-i, “Rabita Mobile”, “Rabita Junior” və “Rabita Business” tətbiqləri, İnternet Bankçılıq platforması və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.
