Azərbaycan Mərkəzi Bankının sədri Taleh Kazımov beşinci “Yüksəliş” müsabiqəsinin qalibləri Fatimə Eyyub və Şəhriyar Həsənverdiyev ilə növbəti görüş keçirib.
Görüş zamanı qaliblərin fərdi inkişaf proqramı çərçivəsində peşəkar inkişafının dəstəklənməsi, strateji düşüncə və liderlik səriştələrinin gücləndirilməsi istiqamətində nəzərdə tutulan fəaliyyət və təşəbbüslər müzakirə olunub.
Taleh Kazımov iştirakçılarla müasir idarəetmə yanaşmaları, effektiv liderlik, eləcə də dəyişikliklərin idarə olunması ilə bağlı fikirlərini bölüşüb və müvafiq tövsiyələr verib.
Görüşdə həmçinin Mentorluq proqramının səmərəli həyata keçirilməsi üçün Azərbaycan Mərkəzi Bankı tərəfindən zəruri dəstəyin göstəriləcəyi bir daha vurğulanıb.
Qeyd edək ki, “Yüksəliş” müsabiqəsinin Mentorluq proqramı qaliblərin idarəçilik bacarıqlarının inkişaf etdirilməsinə, onların peşəkar təcrübəsinin zənginləşdirilməsinə və gələcək karyera hədəflərinə çatmasına dəstək göstərilməsini nəzərdə tutur.
