Dünya Bankının “Enterprise Surveys 2024” ölkə profili hesabatına əsasən, ölkədə fəaliyyət göstərən özəl firmaların maliyyə xidmətlərindən istifadəsi ölçülüb.
GDP xəbər verir ki, hesabat iki əsas göstəriciyə cari və ya əmanət hesabına malik olan firmaların faizi, həmçinin bank kreditinə çıxışı olan firmaların faizinə diqqəti cəlb edir.
Hesabatda bildirilir ki, kiçik firmaların (5-19 işçi sayı olan) 89%-i cari və ya əmanət hesabı açaraq maliyyə xidmətlərindən istifadə edir, lakin yalnız 28%-i bank kreditinə malikdir. Orta ölçülü firmalarda (20-99 işçi) isə 84% cari/əmanət hesabına sahib olarkən, bank kreditinə çıxış imkanı olanların faizi 54%-ə çatır. Böyük firmalarda (100-dən çox işçi) maliyyə xidmətlərindən istifadə daha genişdir: 97% cari və ya əmanət hesabı, 50% isə bank kreditindən yararlanır.
Cari və əmanət hesablarının yüksək səviyyədə istifadəsi firmaların likvidliyini qorumaq və gündəlik ödəniş əməliyyatlarını idarə etmək üçün vacibdir. Bank kreditlərinə çıxış isə layihələrin maliyyələşdirilməsi baxımından mühüm rol oynayır və firmaların məhdud resurslarla məhdudlaşmasının qarşısını alır.
Dünya Bankının 2024-cü il Enterprise Surveys hesabatı göstərir ki, maliyyə xidmətlərindən istifadə səviyyəsi firmaların ölçüsündən asılı olaraq dəyişir və bu da ölkə iqtisadiyyatında firmaların maliyyə dayanıqlığı və inkişaf imkanları üçün vacib göstəricidir.