Bank Respublika 33 illik fəaliyyət dövründə iqtisadiyyatın inkişafına verdiyi töhfə, sahibkarlığın dəstəklənməsi və beynəlxalq maliyyə institutlarının etimadını qazanması ilə diqqəti cəlb edir. Bu münasibətlə bankın İdarə Heyətinin sədrı Tariyel İsmayılov fikirlərini bölüşüb.
Tariyel İsmayılov bildirib ki, 33 il ərzində Bank Respublika dayanıqlı və güclü maliyyə institutuna çevrilərək yüz minlərlə müştərinin etibarını qazanıb. Bankın uğurlarında təsisçilərin uzaqgörənliyi və strateji baxışı, tərəfdaşların etibarlı əməkdaşlığı, eləcə də müştərilərin davamlı dəstəyi əsas rol oynayıb.
Sədr əlavə edib ki, bankın uğurunda peşəkar və güclü komandaya, onların bilik və təcrübəsinə böyük önəm verilir. Bu komanda qarşıya çıxan çətinlikləri əzmkarlıqla dəf edərək, Bank Respublikanın davamlı inkişafına mühüm töhfə verir.
“Təqdirəlayiq 33 illik uğur yolumuzda bizimlə birlikdə olan, fədakarlığı və peşəkarlığı ilə bu inkişafın əsasını qoyan hər bir komanda üzvünə dərin minnətdarlığımı bildirirəm. Birlikdə daha böyük zirvələrə doğru irəliləyəcəyik,” – deyə Tariyel İsmayılov vurğulayıb.
Bank Respublika-nın 33 illik fəaliyyət ildönümü bankın gələcəkdə də iqtisadiyyatın inkişafında, sahibkarlığın dəstəyində və maliyyə xidmətlərinin təkmilləşdirilməsində öz rolunu gücləndirəcəyinə işarə edir.