Azərsun Kağız və Karton İstehsalat Korporasiyası ASC 103 milyon manat dəyərində səhm emissiyası həyata keçirib.
GDP xəbər verir ki, Mərkəzi Bankın məlumatına görə, qeydiyyata alınan emissiya çərçivəsində, korporasiya 103 milyon nominal dəyəri 1 manat olan adi səhmi qapalı yerləşdirmə üsulu ilə təqdim edib. Emissiya 31 yanvar 2025-ci il tarixində rəsmi qeydiyyata alınıb.
Qeyd edək ki, Azərsun Kağız və Karton İstehsalat Korporasiyası MMC (VÖEN: 2901075111) təşkilati-hüquqi formasını dəyişərək, 9 yanvar 2025-ci il tarixində ASC-yə çevrildiyini elan edib. Şirkətin MMC-dən ASC-yə keçməsinin səbəbi, ehtimal ki, səhm emissiyasının həyata keçirilməsi ilə bağlıdır.