YouTube rəsmi olaraq dünyanın ən böyük media şirkətinə çevrilib. Platformanın illik gəliri 62 milyard dollar həddinə çatıb ki, bu da onu ənənəvi media nəhənglərindən qat-qat önə çıxarır.
GDP xəbər verir ki, rəqəmlərlə YouTube imperiyasına nəzər saldıqda, platformanın reklam gəlirləri ildə təxminən 40,4 milyard dollar təşkil edir. Bu göstərici Disney, NBC, Paramount və Warner Bros kimi nəhəng media şirkətlərinin birlikdə əldə etdiyi reklam gəlirini üstələyir. Bununla da yanaşı, YouTube abunə xidmətlərindən də böyük gəlir əldə edir. YouTube Premium, YouTube Music və onlayn televiziya xidmətlərindən əldə edilən abunə gəlirləri ildə əlavə 22 milyard dollar təşkil edir. Beləliklə, platformanın ümumi illik gəliri 62 milyard dollara çatır.
Bu göstəricilər rəqəmsal medianın ənənəvi mediaya tam üstünlüyünü təsdiqləyir. Google-a məxsus video platforması artıq təkcə sosial media platforması deyil, həm də qlobal media sənayesinin liderinə çevrilib. YouTube-un bu uğuru, rəqəmsal platformaların ənənəvi media şirkətlərini necə geridə qoyduğunun ən bariz nümunələrindən biridir.