SOCAR “Palmali” Qrupunun qaldırdığı iddialarla bağlı arbitraj prosesində qalib gəlib
GDP bu barədə Türkiyənin “Ekonomim” nəşrinə istinadən xəbər verir.
Azərbaycan və Türkiyə vətəndaşı olan Mübariz Mənsimov tərəfindən idarə olunan “Palmali” Qrupu 2023-cü ilin iyun ayında iddialar irəli sürərək arbitraj prosesinə başlayıb. Proses 2025-ci ilin noyabr ayında Böyük Britaniyanın London şəhərində keçirilən üç həftəlik dinləmə ilə yekunlaşıb.
Dinləmələr zamanı Mübariz Mənsimov və “Palmali” tərəfinin digər şahidləri şəxsən ifadə veriblər. “Palmali” tərəfi bir neçə İngiltərə və ABŞ hüquq firması, eləcə də ingilis vəkillər komandası tərəfindən təmsil olunub.