Türk Dövlətləri Təşkilatına (TDT) üzv olan Azərbaycan, Qazaxıstan, Qırğızıstan, Özbəkistan və Türkiyə kosmos sahəsində əməkdaşlığın hüquqi bazasını yaradacaq sazişin imzalanmasına hazırlaşır.
GDP xəbər verir ki, bu barədə TDT-nin kosmos sahəsində səlahiyyətli orqan rəhbərlərinin növbəti görüşündə məlumat verilib. Görüş iştirakçıları vurğulayıblar ki, sənəd təşkilata üzv dövlətlər arasında kosmik fəaliyyətdə qarşılıqlı fəaliyyətin hüquqi çərçivəsini təmin edəcək.
Eyni zamanda, tərəflər kosmos sahəsində uzunmüddətli əməkdaşlıq strategiyasını birgə hazırlayırlar. Strategiyada peyk texnologiyaları, kosmik monitorinq, tədqiqat və kadr hazırlığı kimi istiqamətlərin əhatə olunması gözlənilir.