SOCAR İtalyana Petroli (İP) şirkətinin 99,82 faiz səhminin API Holdinqdən satın alınması əməliyyatının tamamlandığını açıqlayıb
GDP xəbər verir ki, bütün zəruri tənzimləyici icazələr alındıqdan sonra yekunlaşan müqavilə ilə SOCAR İtaliyada 2 ədəd, ümumilikdə isə 4 ədəd neft emalı zavodunun sahibinə çevrilib.
2025-ci ilin sentyabrında razılaşmanın imzalandığı, 2026-cı ilin əvvəlində isə əməliyyatın Avropa Komissiyası tərəfindən təsdiqləndiyi bildirilib.
SOCAR-ın aktivlərinə artıq Azərbaycanda (faktiki emal gücü ildə 6,5 milyon ton), Türkiyədə (13 milyon ton) və İtaliyada iki zavod (ümumi gücü 10 milyon ton) daxildir. Bununla yanaşı, İP-nin logistika infrastrukturu, neft məhsulları anbarları və 4500 yanacaqdoldurma məntəqəsindən ibarət paylama şəbəkəsi də SOCAR-ın nəzarətinə keçib. Bu göstərici ilə şirkət İtaliyanın ən böyük yanacaq pərakəndə satış şəbəkələrindən birinə sahib olur.
Əməliyyat üzrə SOCAR-a Intesa Sanpaolo IMI CIB, İtalyana Petroli sahibi API Holdinqə isə UniCredit məsləhətçilik edib.
Tarixi 90 ili ötən İP Qrupunun Anconada (bitum istehsalı) və Trecatedə (SARPOM zavodu, yanacaq istehsalı) olmaqla iki emalı zavodu var.