İranın Hörmüz boğazını açmağa hazır olması ilə bağlı mediada yayılan xəbərlər fonunda Brent markalı neftin qiyməti bir barel üçün 98 dollardan aşağı düşüb.
GDP xəbər verir ki,Yaponiyanın “Kyodo News” agentliyi yüksəkvəzifəli İran rəsmisinə istinadən xəbər verir ki, ABŞ hərbi təzyiqin azaldılması istiqamətində ilk addımları atacağı təqdirdə İran Hörmüz boğazını yeddi gün ərzində açmağa hazırdır.
Rəsminin sözlərinə görə, bununla bağlı məlumat vasitəçilər üzərindən Vaşinqtona çatdırılıb.
Bu xəbərlər fonunda neft qiymətləri ucuzlaşmağa başlayıb. Londonun ICE Futures birjasında Brent markalı neftin noyabr fyuçerslərinin qiyməti Moskva vaxtı ilə saat 13:11-ə olan məlumata görə, əvvəlki ticarət sessiyasının bağlanış qiyməti ilə müqayisədə 2,68 dollar və ya 2,67% azalaraq bir barel üçün 97,67 dollar təşkil edib.
WTI markalı neftin oktyabr fyuçerslərinin qiyməti isə Nyu-York Əmtəə Birjasının elektron hərraclarında Moskva vaxtı ilə saat 13:01-ə 3 dollar və ya 3,13% azalaraq bir barel üçün 92,78 dollara düşüb.
Daha aktiv ticarət olunan noyabr fyuçersləri isə Moskva vaxtı ilə saat 13:11-ə 2,94 dollar və ya 3,18% ucuzlaşaraq bir barel üçün 89,43 dollar təşkil edib.