Azərbaycanda Binance istifadəçiləri arasında kriptovalyutaların əsas istifadə istiqamətlərindən biri ticarətdir.
GDP xəbər verir ki, Binance-in 2026-cı ilin avqust və sentyabr aylarında 500-dən çox iştirakçı arasında keçirdiyi sorğunun nəticələrinə görə, respondentlərin 70,3%-i kriptovalyutalardan ticarət məqsədilə istifadə edir və ya istifadə etmək istəyir.
İnvestisiya və yığım məqsədini seçənlərin payı 47,7%, beynəlxalq köçürmələrə maraq göstərənlərin payı isə 37,4% təşkil edib. Respondentlərin 33,1%-i rəqəmsal aktivlərin uzunmüddətli saxlanılmasını — HODL strategiyasını istifadə istiqamətlərindən biri kimi göstərib.
Sorğunun nəticələri kriptovalyutalara marağın yalnız bir istiqamətlə məhdudlaşmadığını və istifadəçilərin rəqəmsal aktivləri ticarətdən yığıma və beynəlxalq köçürmələrə qədər müxtəlif maliyyə məqsədləri üçün nəzərdən keçirdiyini göstərir.