PAŞA Maliyyə Holdinqində (PASHA Financial Holding) yeni kadr təyinatı baş tutub. Babək Rəsulzadə holdinqin audit direktoru vəzifəsinə təyin edilib.
GDP xəbər verir ki, bu barədə Babək Rəsulzadə özü məlumat paylaşıb.
Məlumata görə, Babək Rəsulzadə bundan əvvəl, 2022-ci ilin fevralından 2026-cı ilin oktyabrınadək PAŞA Bankın Daxili Audit Departamentinin direktoru vəzifəsində çalışıb.
O, 2018–2022-ci illərdə Kapital Bankın Daxili Audit Departamentinin direktor müavini, 2016–2018-ci illərdə isə AFB Bankın Risklərin İdarə Edilməsi Departamentinin direktoru olub.
Babək Rəsulzadə əmək fəaliyyətinin mühüm hissəsini Azərbaycan Mərkəzi Bankında keçirib. O, 2004–2016-cı illərdə Mərkəzi Bankın Bank Nəzarəti Departamentində iqtisadçı, aparıcı iqtisadçı, baş iqtisadçı, baş mütəxəssis və bank qrupunun rəhbəri vəzifələrində çalışıb.
Bundan əlavə, 2016-cı ilin yanvar–fevral aylarında Bank of Azerbaijan-da müvəqqəti inzibatçı vəzifəsini icra edib.
Babək Rəsulzadə 2004-cü ildə Azərbaycan Dövlət İqtisad Universitetinin maliyyə və kredit ixtisası üzrə bakalavr, 2006-cı ildə isə magistratura pilləsini bitirib.
O, həmçinin 2019-cu ildə Türkiyənin Boğaziçi Universitetində “Management Excellence Programme” (Mini MBA) proqramını tamamlayıb.
Müəllif: Aynur Qəniyeva