2026-cı ilin yanvar–sentyabr aylarında Azərbaycanın xarici ticarət dövriyyəsi 37 milyard 210,67 milyon ABŞ dolları təşkil edib.
GDP Dövlət Gömrük Komitəsinin statistik məlumatlarına istinadən xəbər verir ki, bu göstərici 2025-ci ilin eyni dövrü ilə müqayisədə 1 milyard 835,17 milyon ABŞ dolları və ya 5,19% artıb.
Ötən ilin müvafiq dövründə ölkənin xarici ticarət dövriyyəsi 35 milyard 375,50 milyon ABŞ dolları olmuşdu.
Hesabat dövründə ixracın dəyəri 23 milyard 864,75 milyon ABŞ dolları, idxalın dəyəri isə 13 milyard 345,92 milyon ABŞ dolları təşkil edib.
İllik müqayisədə ixrac 28,26% artdığı halda, idxal 20,41% azalıb.
Nəticədə ixracın xarici ticarət dövriyyəsində xüsusi çəkisi 52,60%-dən 64,13%-ə yüksəlib, idxalın payı isə 47,40%-dən 35,87%-ə enib.