Azərbaycan Respublikası Dövlət Neft Fondu (ADNF) dünyanın ən böyük özəl təhsil müəssisələrindən biri, mərkəzi ofisi Dubayda yerləşən GEMS Education şirkətinə investisiya qoyur.
GDP xəbər verir ki, bu barədə «Bloomberg» məlumat yayımlayıb.
Məlumatda bildirilir: «GEMS Education şirkətinəinvestisiya qoyan şirkətlərin siyahısına Brookfield, Gulf Islamic Investments, Marathon Asset Management və Azərbaycan Respublikası Dövlət Neft Fondu daxildir. İnvestisiya ilə bağlı razılaşmanın üçüncü rübdə, şərtlərə bağlı olaraq tamamlanacağı gözlənilir.»
Neft Fondunun da investisiya qoyacağı bildirilən GEMS Education, Əmirlik bankları qrupundan mövcud razılaşmaların yenidən maliyyələşdirilməsi üçün vəsait cəlb edib.
Qrupun kökləri, qurucusu Sunny Varkey-in valideynlərinin Hindistanın cənubundakı Kerala-dan Dubaya köçdüyü 1959-cu ilə dayanır. Bu gün Birləşmiş Ərəb Əmirliklərindəki 40-dan çox GEMS məktəbində 135,000-dən çox şagird təhsil alır.
Bloomberg qeyd edir: «GEMS Education şirkətinə investisiyanın qoyulması investorlara keçmiş Morgan Stanley bankiri May Nasrallah tərəfindən təsis edilmiş mərkəzi ofisi Dubayda olan deNovo Partners və Goldman Sachs Group Inc. tərəfindən məsləhət görülüb»