PAŞA Kapital İnvestisiya Şirkəti QSC Azərbaycan Respublikası Mərkəzi Bankının qiymətli kağızları üzrə ən yüksək ticarət həcmi ilə liderdir və 1 milyard 311 milyon 219,327 min manat məbləğində əməliyyatlar həyata keçirib.
GDP xəbər verir ki, AzFinance İnvestisiya Şirkəti QSC 204 milyon 242,336 min manat ticarət həcmi ilə ikinci yerdə qərarlaşıb. Kapital İnvestisiya Şirkəti 178 milyon 456,128 min manat ilə üçüncü sıradadır. CPM-İnvest İnvestisiya Şirkəti QSC 109 milyon 549,490 min manat dəyərində əməliyyatlarla dördüncü yeri tutur.ABB İnvest İnvestisiya Şirkəti QSC 100 milyon 810,955 min manat dövriyyə ilə beşinci sıradadır. Capital Partners İnvestisiya Şirkəti QSC 88 milyon 901,758 min manat ilə altıncı yerdədir. Assist Finance İnvestisiya Şirkəti ASC isə 88 milyon 587,082 min manat məbləğində dövriyyə ilə yeddinci sıradadır. Unicapital İnvestisiya Şirkəti ASC 72 milyon 810,615 min manat dövriyyə ilə səkkizinci yerdədir. MFX Trading İnvestisiya Şirkəti 25 milyon 869,813 min manatla doqquzuncu sıradadır. Invest-Az İnvestisiya Şirkəti QSC isə 4 milyon 934,211 min manat dəyərində əməliyyatlarla onuncu yeri tutur. PSG Kapital İnvestisiya Şirkəti QSC və Troni İnvestisiya Şirkəti QSC bu seqment üzrə ticarət etməyib.
