ABB benzin, dizel, təbii qaz kimi yanacaqlardan istifadəyə görə sərf olunan məbləği ətraflı təhlil edir və müvafiq tədbirlər görür. Məsələn, bu tədbirlərdən biri sərfiyyatı mümkün qədər azaltmaq üçün daha az benzinlə işləyən avtomobillərdən istifadədir
GDP xəbər verir ki, bu barədə ABB-nin 2023-cü il üzrə “Dayanıqlı İnkişaf Hesabatı”nda məlumat verilib.
Məlumata görə, ABB 2023-cü il ərzində 208.11 ton dizel yanacağı işlədib ki, bu göstəricinin 2022-ci ildə 212.77 ton olduğunu nəzərə alaraq bankın dizel sərfiyyatını 4.66 ton azaltdığını müşahidə etmək olar. ABB-nin benzin sərfiyyatı göstəriciləri 2023-cü il ərzində 246 ton təşkil edib ki, bu da bankın 2022-ci illə müqaisədə benzin sərfiyyatını 2023-cü ildə 24 ton və ya 8.8% azaltdığını göstərir.2022-ci ildə ABB-nin 1 işçisi 0.09 ton benzin sərfiyyatı düşübsə 2023-cü ildə bankın 1 işçisə düşən benzin sərfiyyatı 0.07 tona qədər azaldılıb.
Ümumi istixana qazları (GHG) emissiyalarımız və işçi başına düşən elektrik enerjisi sərfiyyatı 2022- ci ildən 2023-cü ilə müvafiq olaraq təxminən 5% və 10,6% azalıb. Karbonsuzlaşdırma çərçivəsində 2023-cü ildə əvvəlki il ilə müqayisədə hər əməkdaş üzrə karbon emissiyasının həcmində 16% azalma, hər əməkdaş üzrə yanacaq istehlakında 16.7% azalma və bir müştəri üzrə kağız istehlakında 28% azalma qeyd olunub. Ən böyük emissiyaların, xüsusilə maliyyələşdirilən fəaliyyətlərlə əlaqəli olanlarının bizim portfelimizdən qaynaqlandığının fərqindəyik. Rəqəmsallaşdırmaya çox önəm veririk, çünki bu, səmərəliliyi artırmaqla yanaşı karbon emissiyalarını azaldır.