ABŞ fond indeksləri ticarətin əvvəlindən etibarən əhəmiyyətli artım qeydə alıb. İnvestorlar statistik məlumatları, korporativ maliyyə nəticələrini və FED-in ötən gün başa çatmış iclasının yekunlarını qiymətləndirirlər.
Proqram təminatı nəhəngi Microsoft Corp.-un səhmləri ticarətin əvvəlində 15% yüksələrək 2008-ci ildən bəri ən güclü birgünlük artımını nümayiş etdirib. Şirkət dördüncü maliyyə rübündə xalis mənfəətini 31%, gəlirini isə 18% artırıb. Bu uğur, xüsusilə bulud xidmətləri seqmentindəki inamlı artım hesabına əldə olunub.
ABŞ-da iyun ayında əhalinin gəlirləri əvvəlki ayla müqayisədə 0,2%, xərclər isə 0,3% artıb. Analitiklər hər iki göstərici üzrə 0,3% proqnozlaşdırsalar da, gəlir göstəricisi gözləntiləri bir qədər aşağı salıb.
FED üçün əsas inflyasiya barometri olan PCE Core indeksi may ayı ilə müqayisədə yavaşlayıb: aylıq artım 0,1% (mayda 0,3%), illik artım isə 3,3% (mayda 3,4%) təşkil edib.
İndekslərin vəziyyəti
Ticarət sessiyasının yekununa yaxın:
· Dow Jones 0,66% yüksələrək 51.936,67 bənd;
· S&P 500 1,31% artaraq 7.411,79 bənd;
· Nasdaq 2,58% bahalaşaraq 25.073,04 bənd səviyyəsində qərarlaşıb.