Author: Aynure Gdp

Mərkəzi Bank “PulPal” MMC-yə münasibətdə təshih tədbirinin tətbiq edilməsi barədə məlumat yayıb. Qeyd edilib ki, Azərbaycan Respublikasının Mərkəzi Bankı tərəfindən həyata keçirilən cari nəzarət prosesləri çərçivəsində “PulPal” MMC-də plandankənar yerində yoxlama zamanı yoxlama müddəti ərzində yoxlayıcıların lazımi texniki imkanlarla təmin edilməməsi və aparılmış əməliyyatlar haqqında dolğun məlumatların təqdim olunmaması ilə əlaqədar olaraq “Mərkəzi Bank haqqında” Azərbaycan Respublikasının Qanununun 48.2.4-cü və “Ödəniş xidmətləri və ödəniş sistemləri haqqında” Azərbaycan Respublikasının Qanunun 63.1-ci maddələrinə əsasən “PulPal” MMC-yə münasibətdə təshih tədbirləri tətbiq edilib.

Dünyanın əsas almaz ticarət mərkəzi, Antverpen ABŞ-ın tətbiq etdiyi yeni tariflərə görə ixracının 85% azaldığını açıqlayıb. GDP xəbər verir ki, azalma qlobal almaz bazarında ciddi narahatlıq yaradır. Yeni tariflərin təsiri xüsusilə ona görə əhəmiyyətlidir ki, Amerika Birləşmiş Ştatları dünya almaz istehlakının təxminən 50%-ni təşkil edir, lakin daxili almaz istehsalı demək olar ki, yoxdur. Bu vəziyyət ölkəni idxaldan tamamilə asılı edir. Mütəxəssislər bildirirlər ki, tariflər davam edərsə, qlobal zərgərlik sənayesi dərin böhranla üzləşə bilər. Almaz tacirləri artıq alternativ bazarlar axtarmağa başlayıblar, lakin ABŞ bazarını əvəz edə biləcək tələbat səviyyəsi hələ ki, dünyada mövcud deyil. Antverpen Almaz Ticarəti Palatasının sözçüsü vəziyyəti “son…

Almaniyada səkkiz bank, ölkənin müdafiə sahəsinə investisiya qoymaqdan etik səbəblərə görə imtina edib. GDP xəbər verir ki, bu barədə banklar tərəfindən imzalanan bir bəyanatda bildirilib. Bəyanatda qeyd olunur ki, silahlanmaya investisiya qoymaq vacib olsa da, bu, etik cəhətdən əsaslandırılmır. İmzalanan bəyanatın arasında GLS-Bank, KD-Bank, BiB Essen, Bank für Kirche und Caritas, DKM – Partner für Kirche und Caritas, Evangelische Bank, Steyler Ethik Bank və PAX Bank yer alır. Bu banklar, özlərini dini və etik dəyərlərə sadiq olaraq təqdim edirlər. Bu banklar, böyük alman maliyyə qurumları olmasa da, GLS-Bank və KD-Bank, son dövrlərdə Stiftung Warentest institutu tərəfindən Almaniyanın ən dayanıqlı bankları…

Bu gün ABŞ fond bazarından 1.5 trilyon dollar itirdi.

Business Insight-un “PeopleMetr” seriyasından “Rəqəmsal Vərdişlər” adlı tədqiqatı çərçivəsində 1320 respondent arasında aparılan sorğunun nəticələrinə əsasən, Azərbaycan ərazisində TV izləmə vərdişləri belə formalaşıb: GDP xəbər verir ki, ən çox tətbiq olunan üsul peyk antenalarından istifadədir. Bu üsulla TV izləyənlərin 68.8 faizi öz sevimli proqramlarını izləyir. Digər üsullar isə belə paylanır: 12.9 faiz KATV 1 (kabel televiziya operatoru) , 5.0 faiz CİTYNET , 4.7 faiz digər vasitələr (önəmli kabel televiziya operatorları, TV BOX, DTV kimi) , 4.3 faiz kanalın öz saytından , 3.8 faiz IP (AYPI) TV , 2.7 faiz NETFLIX , 2.0 faiz AliExpress TV , 1.8 faiz ATV+ ,…

Hazırda Özbəkistan Respublikası Kənd Təsərrüfatı Nazirliyinin nümayəndələri Azərbaycan Respublikasında rəsmi səfərdədirlər. GDP xəbər verir ki, səfər çərçivəsində keçirilən görüşlərdə əsas vurğu, qida istehsalı sahəsində potensial birgə layihələrə yönəldilib. Xüsusilə «Milla Dairy» şirkəti ilə keçirilən iclasda Özbəkistanda süd məhsulları istehsalına yönəlmiş «Jizzax Organic» şirkəti ilə birgə layihənin həyata keçirilməsinin perspektivləri müzakirə olundu. Görüşdə qeyd edilib ki, layihə çərçivəsində «Milla Dairy» şirkəti hazırda Özbəkistan bazarını araşdırır və bu sektor üçün uyğun biznes modeli hazırlayır. Bu, iki ölkə arasında uzunmüddətli əməkdaşlığın qarşısını açan strateji addım kimi qiymətləndirilir. Bundan əlavə, səfət zamanı «R Group Holding» ventura investisiya şirkətinin direktoru Abdul Əliyevlə də görüş keçirilib.…

ABŞ birjasında baş vermiş son dərəcə qeyri-adi bir əməliyyat dünyanın diqqət mərkəzinə düşüb. GDP xəbər verir ki,naməlum bir treyder, bir saat ərzində 2700%-lik gəlir əldə edərək 70 milyon dollar qazanmağı bacarıb. 9 aprel tarixində bu naməlum şəxs SPY opsiyonlarına 2,5 milyon dollarlıq investisiya etdi. Saat 13:01-də SPY indeksi 500 dollardan aşağı ticarət edilərkən, treyder strike qiyməti 509 dollar olan 30 min kontrakt aldı. Hər şey ümumi ticarət tendensiyasında olduğu kimi normal görünürdü, ancaq saat 13:30-da bazarın dayanılmaz yüksəlməsinə səbəb olan hadisə baş verdi. Amerika prezidenti Donal Trampın sosial mediada paylaşdığı bir postda, 90 gün müddətinə gümrük rüsumlarının təxirə salınacağı elan…

Mərkəzi Bankın sədri Taleh Kazımov, Mentorluq proqramı çərçivəsində təşkil edilən dördüncü “Yüksəliş” müsabiqəsinin qalibi İsmayıl Hüseynovla növbəti görüşünü həyata keçirib. GDP xəbər verir ki, görüşdə gənc iştirakçının fərdi inkişaf planı, qarşıya qoyduğu hədəflər və Mərkəzi Bankla əməkdaşlığın perspektivləri müzakirə olunub. Təqdim olunan məlumata görə, görüş zamanı İsmayıl Hüseynovun peşəkar təkamülünə dəstək məqsədilə hazırlanan Fərdi İnkişaf Planı çərçivəsində onun prioritet hədəfləri, bacarıqlarının artırılması üçün addımlar və təşəbbüslər ətraflı şəkildə müzakirə edilib. Mərkəzi Bank rəhbərliyi, gələcək dövrdə Hüseynovun bankın fəaliyyət sahələrində aktiv iştirakını və müxtəlif layihələrdə əməkdaşlığın genişləndirilməsini təmin edəcəyini bildirib. İsmayıl Hüseynov görüşlə bağlı çıxışında Taleh Kazımovun şəxsi təcrübəsi və biliklərindən…

Azərbaycan Mərkəzi Bankının baş direktoru Şahin Mahmudzadə, bu gün keçirilən Maliyyə Sabitliyi Hesabatının təqdimatı ilə bağlı mətbuat konfransında sığorta sektorunda müşahidə olunan artımlar barədə məlumat verib. Şahin Mahmudzadə qeyd edib ki, avtonəqliyyat vasitələrinin mülkü məsuliyyəti üzrə zərərlilik əmsalı 73%-dən 74%-ə qədər artıb. Tibbi sığorta üzrə zərərlilik əmsalı isə 77%-dən 84%-ə yüksəlib. Avtonəqliyyat vasitələrinin könüllü sığortasında da zərərlilik əmsalı 47%-dən 48%-ə qədər artıb. Baş direktorun sözlərinə görə, bütövlükdə, sığorta sektoru üzrə zərərlilik əmsalı 54%-dən 57%-ə qədər artıb.

Azərbaycan Mərkəzi Bankının baş direktoru Şahin Mahmudzadə, bu gün keçirilən Maliyyə Sabitliyi Hesabatının təqdimatı ilə bağlı mətbuat konfransında bank sektorunun kapital mövqeyi və kredit vermə potensialı ilə bağlı mühüm açıqlamalar verib. GDP xəbər verir ki, Şahin Mahmudzadə qeyd edib ki, bank sektorunun kapital adekvatlığı əmsalı 17.5%-dən 17.6%-ə yüksəlib. Bu göstərici, normativ tələbləri 50%-dən çox üstələyir, bu da bank sektorunun maliyyə dayanıqlığının yüksək səviyyədə olduğunu göstərir. Mərkəzi Bankın baş direktorunun sözlərinə görə, bank sektorunun risq üzrə ölçülmüş aktivlərinin bütün aktivlərə nisbəti 2023-cü ilin sonunda 65.2%-dən 2024-cü ilin sonuna 66.8%-ə yüksəlib. Şahin Mahmudzadə əlavə edib ki, hazırda bank sektorunun mövcud kapitalı ilə…