Author: Aynure Gdp

Beynəlxalq maliyyə qurumları ABŞ Federal Ehtiyat Sisteminin (FED) gələcək faiz siyasəti ilə bağlı gözləntilərini yenidən dəyərləndirib. GDP xəbər verir ki, J.P. Morgan artıq 2026-cı ildə faiz endirimi gözləmədiyini açıqlayaraq, FED-in növbəti addımının 2027-ci ilin üçüncü rübündə 25 əsas faiz  bəndi (0,25%) həcmində faiz artımı olacağını proqnozlaşdırır. Eyni zamanda, Barclays və Goldman Sachs da Morgan Stanley-ə qoşularaq, ABŞ-da əmək bazarının gözləniləndən daha dayanıqlı olduğunu göstərən son məlumatlara əsasən, faiz endirimi ilə bağlı proqnozlarını 2026-cı ilin ortalarına qədər təxirə saldıqlarını bildiriblər. Bununla yanaşı, Avstraliyanın Macquarie qrupu əvvəlki mövqeyini qoruyaraq, FED-in 2026-cı ilin dekabr rübündə faiz dərəcələrini artıra biləcəyini istisna etmir.

Marriott International tərkibində fəaliyyət göstərən The Ritz-Carlton, Baku və JW Marriott Absheron Baku otelləri üzrə Marketinq üzrə klaster direktor vəzifəsinə Cavanşir Bayramov təyin edilib. GDP xəbər verir ki, o, 2026-cı ilin yanvar ayından etibarən  Marketinq üzrə klaster direktoru vəzifəsində hər iki flaqman otelin brend strategiyası, marketinq kommunikasiyaları, rəqəmsal performans, tərəfdaşlıqlar və kommersiya dəstəyi istiqamətlərinə rəhbərlik edəcək. Yeni vəzifəsində əsas fokus gəlirliliyin artırılması, beynəlxalq brend standartlarının qorunması və otellərin uzunmüddətli bazar mövqelərinin gücləndirilməsidir. Cavanşir Bayramov bu təyinata qədər Azerbaijan Tourism Board-da 3 ildən artıq müddətdə rəhbər vəzifələrdə çalışıb. O, son olaraq qurumun Deputy CEO-su kimi İdarə Heyətinin qərarvermə proseslərində iştirak edib,…

Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin apardığı monitorinqlər nəticəsində “Instagram”da sürücülük təlimi ilə məşğul olan şəxslərin 3 mindən çox vətəndaşa aid sürücülük vəsiqəsini reklam məqsədilə açıq şəkildə paylaşdığı müəyyən edilib. GDP xəbər verir ki, fərdi məlumatların yayılması risklərini nəzərə alaraq ETX müvafiq səhifələrin inzibatçılarına rəsmi müraciət edib və qanunsuz paylaşımların silinməsini tələb edib. Nəticədə həmin məlumatlar silinib. ETX vətəndaşları rəsmi sənədləri sosial şəbəkələrdə paylaşmamağa çağırır, sürücülük təlimi təşkil edən şəxslərə isə “Fərdi məlumatlar haqqında” qanunun tələblərinə ciddi əməl etmələri barədə xəbərdarlıq edir.

Azərbaycanın aparıcı elektron pul təşkilatlarından biri olan PashaPay MMC-də idarəetmə strukturunda dəyişiklik baş verib. GDP xəbər verir ki,şirkət kollegial idarəetmə formasından imtina edərək təkbaşına idarəetmə modelinə keçib və bu çərçivədə Pünhan Nərimanov icraçı direktor vəzifəsinə təyin olunub. Pünhan Nərimanov 2022-ci ilin aprelindən etibarən “PashaPay” MMC-də icraçı direktorun müavini kimi fəaliyyət göstərib. O, eyni zamanda Türk Dövlətləri Fintex Alyansının və Azərbaycan Fintex Assosiasiyasının idarə heyətinin üzvüdür. 2021–2022-ci illərdə “MilliÖn” brendinin operatoru olan Komtec LTD-də baş icraçı direktor vəzifəsini icra edib. Peşəkar karyerasının mühüm hissəsi bank sektorunda formalaşan Pünhan Nərimanov 2007–2021-ci illərdə Kapital Bank ASC-də müxtəlif rəhbər vəzifələrdə çalışıb. O, xəzinədarlıq direktoru,…

ABB İnvest İnvestisiya Şirkətinin  2024–2025 ticarət nəticələrinin müqayisəsi göstərir ki, şirkətin BFB-də ümumi ticarət həcmi 2024-cü ildə 59,071,219,597 manat olduğu halda 2025-ci ildə 38,393,923,670 manata enib və bu, 20,677,295,927 manat məbləğində və ya 35.0% azalma deməkdir. Bu geriləmənin əsas ağırlıq mərkəzi repo əməliyyatlarıdır: repo əməliyyatları 56,657,067,188 manatdan 32,523,403,926 manata düşüb ki, bu da 24,133,663,262 manat və ya 42.6% azalma deməkdir. Yəni ümumi dövriyyənin azalması ən çox repo seqmenti üzrə aktivliyin zəifləməsi ilə izah olunur. Repo 2024-cü ildə ABB İnvest-in dövriyyəsində dominant paya malik idi, 2025-ci ildə isə bu pay həm həcmin düşməsi, həm də digər alətlərin nisbi artımı fonunda əhəmiyyətli…

Londonun ICE birjasında Brent markalı neftin qiyməti bir barel üçün 64 dolları ötüb. GDP xəbər verir ki, bu, 2025-ci il dekabrın 5-dən bəri qeydə alınan ən yüksək qiymətdir. Ticarət məlumatlarına görə, qiymət artımı fonunda neft bazarında müsbət dinamika müşahidə olunur. Qeyd edək ki, bundan əvvəl — yanvarın 7-də — 2026-cı ilin mart ayında tədarük olunacaq Brent fyuçerslərinin qiyməti bir barel üçün 60 dollardan aşağı düşmüşdü.

Şirkətin mətbuat açıqlamasına görə, 2025-ci ildə Mercedes-Benz avtomobillərinin satışı 9,2% azalaraq 1,8 milyon ədəd təşkil edib. GDP xəbər verir ki, Avropada (Avropa İttifaqı ölkələri, Böyük Britaniya, İsveçrə və Norveç) avtomobil satışı 1% azalaraq 634,6 min ədədə düşüb. O cümlədən Almaniyada göstərici demək olar ki, dəyişməyib və 213,2 min avtomobil olub. Asiyada satışlar 16% kəskin azalaraq 747 min avtomobilə enib. Bu azalma xüsusilə Çində daha nəzərəçarpan olub — burada satışlar 19% azalaraq 551,9 min ədəd təşkil edib. Şimali Amerikada satışlar 12% azalaraq 320,6 min avtomobilə düşüb. ABŞ-da da eyni səviyyədə — 12% azalma qeydə alınıb və satış həcmi 284,6 min ədəd…

Amerikanın Alphabet Inc. şirkətinin (Google-un əsas şirkəti) bazar dəyəri bazar ertəsi keçirilən ticarət sessiyasında 4 trilyon dolları ötüb. GDP xəbər verir ki,sessiya ərzində şirkətin səhmlərinin qiyməti 1,7% artaraq bir səhm üçün 334,04 dollara yüksəlib, daha sonra isə 0,2% enişə keçib. 2025-ci il ərzində Alphabet-in bazar kapitallaşması 65% artıb. CNBC-nin məlumatına görə, Apple səsli köməkçisi Siri-də Alphabet tərəfindən hazırlanmış Gemini süni intellekt modelindən istifadə etmək qərarı verib. Daha əvvəl KİV-lər yazırdı ki, bu əməkdaşlıq çərçivəsində Alphabet şirkəti ildə təxminən 1 milyard dollar gəlir əldə edəcək. 4 trilyon dollarlıq bazar dəyəri həddini bundan əvvəl Nvidia, Microsoft və Apple şirkətləri də keçmişdi. Onlardan…

Azərbaycan Respublikasının Maliyyə Nazirliyinin məlumatına görə, 2025-ci ilin yanvar–dekabr ayları ərzində dövlət büdcəsindən fiziki və hüquqi şəxslərə ümumilikdə 352 milyon 409,8 min manat məbləğində vəsait geri qaytarılıb. Geri qaytarılan məbləğlər əsasən fiziki şəxslərin pərakəndə ticarət və ictimai iaşə obyektlərində, mədəniyyət və tibbi xidmətlər sahəsində, həmçinin işğaldan azad edilmiş ərazilərdə fəaliyyət göstərən mehmanxanalarda etdikləri ödənişlər üzrə Əlavə Dəyər Vergisinin (ƏDV) qaytarılması ilə bağlı olub. Eyni zamanda, əcnəbilər tərəfindən ölkə ərazisində istehsal olunan və kommersiya məqsədi daşımayan malların alınmasına görə ödənilmiş ƏDV də geri qaytarılan vəsaitlər sırasındadır. Bununla yanaşı, bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış…

Bu gündən “biletim.az” portalından onlayn bilet alan sərnişinlər “Apple Pay” və “Google Pay”dən istifadə edərək ödəniş edə biləcək. Bu barədə GDP-yə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) bildirilib. Məlumata əsasən, “biletim.az” portalından onlayn bilet alan sərnişinlər üçün yenilik tətbiq edilir. Belə ki, artıq portalda bank kartı məlumatlarını daxil etmədən “Apple Pay” və “Google Pay”dən istifadə edərək ödəniş etmək imkanı yaradılıb. “Biletim.az” portalında 56 şəhər və rayona, 86 istiqamət üzrə bilet almaq mümkündür. Sistemə 349 reys olmaqla 397 nəqliyyat vasitəsi qoşulub. Onlayn bilet satışı sistemi mərhələli şəkildə sərnişindaşıma sahəsində xidmət göstərən bütün daşıyıcı və avtovağzalları əhatə edəcək.…