Author: Aynure Gdp

2024-cü ildə Azərbaycanın xarici ticarət profisiti 16 milyard dolları keçəcək. GDP xəbər verir ki, bu barədə BMT-nin dünya iqtisadiyyatı üzrə hesabatında bildilir.   Qeyd olunub ki, 2024-cü il ərzində Azərbaycanın ümumi ixracı 33 milyard 899 milyon dollar, idxalı isə 17 milyard 278 milyon dollar təşkil edəcək.

SOCAR-KBR MMC-nin Azərbaycanda BMT-nin Qlobal Sazişinə rəsmi qoşulduğunu elan etməkdən məmnunuq. GDP xəbər verir ki, bunu SOCAR-KBR MMC-nin baş meneceri Rəşad Şabanov açıqlayıb. O bildirib : “Bu yeni yola başlayarkən biz öz təcrübələrimizi Qlobal Sazişin Prinsipləri ilə uyğunlaşdırmağa və Dayanıqlı İnkişaf Məqsədlərinə (DİM) töhfə verməyə sadiqik. Biz vacib dəyişiklikləri həyata keçirmək üçün digər qurumlarla əməkdaşlıq etməyə can atırıq.”Rəşad Şabanovun sözlərinə görə,BMT Qlobal Sazişinə qoşulmaq bizim üçün əhəmiyyətli bir addımdır və biz cəmiyyətimizdə və onun hüdudlarından kənarda müsbət təsir göstərmək imkanlarını nəzərdən yetiririk. “Bu fürsətə görə BMT-nin Qlobal Sazişin Azərbaycandakı nümayəndəliyinə təşəkkür edirəm.”

ABŞ-ın investisiya bankı Goldman Sachs 2025-ci ildə Brent markalı neftin orta qiyməti ilə bağlı proqnozunu bir barel üçün 82 dollardan 77 dollara endirib. GDP xəbər verir ki, gözlənilən dalğalanma diapazonu bir barel üçün 5 dollar azalaraq 70-85 dollar/barelə endirilib. Bank ekspertləri qeyd edirlər ki, OPEC+-ın səyləri sayəsində hazırda bazar tarazlıq vəziyyətindədir, lakin dördüncü rübdə gözlənilən şey. alyansın qara qızıl hasilatını artırması qüvvələr balansını dəyişəcək. GS ekspertlərinin fikrincə, bazara əlavə təzyiq gözləniləndən yüksək təklif faktoru ilə təsir edəcək ki, bu da sənayenin texnoloji səmərəliliyinin artmasının nəticəsi olacaq. Eyni zamanda, elektrik avtomobillərinin populyarlaşması və neft-kimya sənayesində aktivliyin azalması fonunda Çində qara qızıla…

Ayaz Mirzəzadə Azərbaycan Respublikası Mərkəzi Bankının Hüquq və təşkilati işlər departamentinin direktoru vəzifəsinə təyin edilib. GDP xəbər verir ki, Ayaz Mirzəzadə bu təyinata qədər 2022-ci ilin oktyabr ayından yerli xammala əsaslanan 1,7 milyard manatlıq dəyərindəki dəmir filizi yataqlarının istismarı və istehsal zəncirinin qurulması layihəsinin – dövlət şirkəti olan “Daşkəsən Dəmir Filiz” MMC-nin Hüquq və komplayns şöbəsinə rəhbərlik edib. Ayaz Mirzəzadə 2012-ci ildən Bakı şəhəri Səbail Rayon Məhkəməsində, “Rabitəbank” ASC-də və “TuranBank” ASC-də ixtisası üzrə müxtəlif vəzifələrdə çalışıb, o cümlədən 2018-2022-ci illərdə Azərbaycan Respublikası Nəqliyyat, Rabitə və Yüksək Texnologiyalar Nazirliyinin (indiki Rəqəmsal İnkişaf və Nəqliyyat Nazirliyi) “Aztelekom” MMC-nin Hüquq departamentinə, 2022-ci…

Azərbaycan Mərkəzi Bankı “Caspian Finance BOKT” MMC-nin, MM “Finca Azerbaijan” QBKT-nin, “Finex Kredit” BOKT ASC-nin, “Kəpəz” BOKT MMC-nin vvə “TCF” BOKT ASC-nin vəzifəli şəxslərini inzibati məsuliyyətə cəlb edib. GDP Mərkəzi Banka istinadən xəbər verir ki, Azərbaycan Respublikasının Mərkəzi Bank tərəfindən aparılan cari nəzarət prosesləri çərçivəsində “Bank olmayan kredit təşkilatları haqqında” Azərbaycan Respublikası Qanununun 22.1-ci maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması səbəbilə İnzibati Xətalar Məcəlləsinin 440.1-ci maddəsinə müvafiq olaraq “Caspian Finance BOKT” MMC-nin vəzifəli şəxsi 1 500 (min beş yüz) manat məbləğində cərimə edilmişdir. Azərbaycan Respublikasının Mərkəzi Bank tərəfindən aparılan cari nəzarət prosesləri çərçivəsində…

Azərbaycan Mərkəzi Bankı (AMB) “Paşa Bank” ASC-nin bir vəzifəli şəxsini 1 500 manat məbləğində cərimə edib. GDP xəbər verir ki, bu barədə Azərbaycan Mərkəzi Bankı məlumat yayımlayıb. Bildirilir ki, Mərkəzi Bank bu qərarı “Banklar haqqında” Azərbaycan Respublikası Qanununun 35.4-cü maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması səbəbilə İnzibati Xətalar Məcəlləsinin 440.1-ci maddəsinə müvafiq olaraq verib. Qeyd olunub ki, pozuntu halı nəzərə alınaraq İnzibati Xətalar Məcəlləsinin 440.1-ci maddəsinə uyğun olaraq “Paşa Bank” ASC-nin vəzifəli şəxsi cərimələnib.

Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri Sadiq Əliyev AzerGold QSC-nin Daşkəsən rayonunda yerləşən Çovdar İnteqrəolunmuş Regional Emal Sahəsində olub.GDP xəbər verir ki, S.Əliyev “Çovdar” qızıl mədənində hasilat, ÇİRES-də qiymətli metalların emalı, tullantıların idarə olunması prosesini izləyib, ənənəvi Topa qələviləşdirmə üsulu ilə yanaşı, Çəndə qələviləşdirmə texnologiyası ilə qiymətli metalların emalını həyata keçirən Çəndə Qələviləşdirmə Zavodunda yaradılmış əmək şəraiti ilə tanış olub.Tanışlıq səfərindən məmnunluğunu ifadə edən DMA-nın İdarə Heyətinin sədri S.Əliyev “AzerGold” QSC tərəfindən dağ-mədən sahəsində həyata keçirilən uğurlu fəaliyyətin qeyri-neft sektoru üzrə ölkə iqtisadiyyatının inkişafı, xüsusilə Gəncə-Daşkəsən iqtisadi rayonunun sosial-iqtisadi tərəqqisi, əhalinin məşğulluğunun artırılmasında…

 İqtisadiyyat Nazirliyi yanında Dövlət Vergi Xidməti “Karbon qiymətləndirilməsi” movzusunda Forumun keçirilməsi ilə əlaqədar bir sıra xidmətlərə 99 min 122 manat vəsait ödəyəcək. GDP xəbər verir ki, bu barədə etender.gov.az -da İqtisadiyyat Nazirliyi yanında Dövlət Vergi Xidmətinin bir mənbədən aldığı forum keçirilməsi ilə əlaqədar bir sıra xidmətlərin alınması ilə bağlı “GALAXY-M” MMC ilə bağladığı müqavilə barədə məlumatda bildilir. Qeyd olunub ki,  İqtisadiyyat Nazirliyi yanında Dövlət Vergi Xidməti “Karbon qiymətləndirilməsi” movzusunda Forumun keçirilməsi ilə əlaqədar bir sıra xidmətlər üçün “GALAXY-M” MMC ilə müqavilə bağlayıb.

Dövlət Gömrük Komitəsinin sədr müavini işdən çıxarılıb. GDP Unikal-a istinadən xəbər verir ki, DGK-nin sədr müavini, gömrük xidməti general-mayoru Qasımov Cavad Mustafa oğlu vəzifəsindən azad edilib. Qeyd edək ki, Cavad Qasımov 2018-ci ildən DGK-nin sədr müavini idi. Xatırladaq ki, dünən Baş Prokurorluq Dövlət Gömrük Komitəsinin bir neçə əməkdaşının korrupsiya cinayətləri ilə əlaqədar həbs edilməsi barədə məlumat yayıb.

Dow Jones yüksəldi və S&P 500 yeni rekorda çatdı və Nasdaq sessiyanı qırmızı zonada bitirib. GDP xəbər verir ki, Amerika fond indeksləri bazar ertəsi ticarətin sonunda vahid dinamika göstərməyib: Dow Jones Industrial Average yüksəldi və ticarəti rekordla bağlayıb.S&P 500 və Nasdaq Composite isə enib. Bazarın bağlanışında Dow Jones indeksi 0,16% artaraq 41 240,52 bənd təşkil edib. Chevron Corp. səhmləri Dow Jones komponentləri arasında nəzərəçarpacaq artım nümayiş etdirdi. (+0,6%), Dow Inc. (+0,9%), American Express Co. (+1%), Caterpillar Inc. (+0,8%). S&P 500 indeksi 0,32% azalaraq 5 616,84 bənd olub. Nasdaq 0,85% ucuzlaşaraq 17 725,76-a düşüb.