Author: Aynure Gdp

28 oktyabr – 1 noyabr 2025-ci  il həftəsində Azərilayt (Azerilight)  markalı Azərbaycan neftinin qiyməti orta hesabla 66.06 ABŞ dolları təşkil edib. GDP xəbər verir ki, Azərbaycan neftinin qiymətində  həftə ərzində  ucuzlaşma tendensiyası müşahidə edilmişdir. Belə ki,  həftənin ilk günü olan 28 oktyabrda 67.03 ABŞ dolları olan qiymət, həftənin son günü olan 1 noyabrda 65.87 ABŞ dolları səviyyəsinə qədər enmişdir. Azərbaycan nefti həftə ərzində 1.16 ABŞ dolları və ya 1.73% ucuzlaşıb. Göstərici Dəyər Həftəlik eniş 1.16 ABŞ dolları Faiz ifadəsində 1.73% Orta qiymət 66.06 ABŞ dolları Müəllif: Aynur Qəniyeva

 PAŞA Kapital İnvestisiya Şirkəti və Sea Breeze  arasında qarşılıqlı Strateji Tərəfdaşlığa dair Memorandum imzalanıb. GDP xəbər verir ki, bu əməkdaşlıq qiymətli kağızlar və daşınmaz əmlak bazarlarında  bir ilkdir. Məlumata görə, memorandumun əsas məqsədi hər iki şirkətin müştərilərinə özəl xüsusi şərtlərlə yeni investisiya imkanları yaratmaq, innovativ maliyyə həllərini tətbiq etmək və uzunmüddətli dayanıqlı tərəfdaşlıq modeli qurmaqdır. Bu tərəfdaşlıq çərçivəsində, Sea Breeze-də  daşınmaz əmlak əldə etmək istəyən şəxslər PAŞA Kapital vasitəsilə aşağıdakı sərfəli şərtlərdən faydalana biləcəklər: Ümumi alış məbləğində 20%-dək qənaət; Müqavilənin AZN valyutasında bağlanılması imkanı. Bu strateji tərəfdaşlıq, yalnız iqtisadi inkişafı dəstəkləmək ilə kifayətlənməyib, həm də regionun infrastrukturunun gücləndirilməsinə, yeni iş…

AFB Bank 5 milyon manat həcmində ilk istiqraz emissiyasını tam yerləşdirdi. İstiqrazlar 80 investor tərəfindən tam həcmdə alınıb. Bankın İdarə Heyətinin sədri Amid Qənbərov bu barədə bildirib ki, bu, “sadəcə maliyyə əməliyyatı deyil, gələcək inkişaf yolunda inamlı bir addımdır”. O, bu uğuru mümkün edən komandaya, tərəfdaşlara və müştərilərə təşəkkür edib. Qeyd edək ki, Bakı Fond Birjasının (BFB) Listinq Komitəsi 10 oktyabr 2025-ci il tarixində bankın istiqrazlarının ticarətə buraxılması üçün icazə vermişdi. İstiqrazların abunə yazılışı 15-24 oktyabr tarixləri arasında baş tutub və qısa müddətdə tam yerləşdirilib. Bu, maliyyə alətlərinə marağın artdığını və AFB Bank-a etimadın güclü olduğunu göstərir. Qənbərov bildirib: “Bu,…

HUAWEI WATCH Ultimate 2 ağıllı saatlarının satışı başlayıb. GDP xəbər verir ki, yeni model bir çox idman rejimini dəstəkləməklə yanaşı, sualtı imkanları ilə də fərqlənir. İstər maska ilə suya baş vurub balıqları izləyənlər, istərsə də riflər boyunca üzməyi sevənlər üçün cihaz olduqca funksionaldır. Saat əsasən peşəkar dalğıclar üçün nəzərdə tutulub. İstifadəçilər bu cihazla 150 metr dərinliyə enə və eyni zamanda sığortalayıcı partnyorla əlaqəni davam etdirə bilərlər. Quruda isə eSIM texnologiyası sayəsində zəng funksiyasından yararlanmaq mümkündür.

Euroclear, ABŞ-ın Xarici Aktivlərə Nəzarət İdarəsi (OFAC) tərəfindən verilən lisenziya olmadan rus vətəndaşlarının aktivlərini blokdan çıxarmağa başlayıb. GDP xəbər verir ki, RBC-nin məlumatına görə, artıq bu prosesin üç uğurlu nümunəsi qeydə alınıb. Hüquqşünas Qleb Boyko, Euroclear-in ABŞ vətəndaşları və ya maliyyə institutlarının iştirak etmədiyi əməliyyatlarda OFAC lisenziyası tələb etmədiyini vurğulayıb. O, qeyd edib ki, hətta ABŞ-la əlaqəli aktivlərin blokdan çıxarılması zamanı belə, Euroclear yalnız Belçika lisenziyasını tələb edir.

Bitcoin 2018-ci ildən bəri ilk dəfə oktyabr ayını mənfi bağladı. Əvvəlki illərdə oxşar siqnallar alındıqda noyabr ayında təxminən 36% dəyər itkisi baş vermişdi.

Cəmi 1 AZN-lik “Şans” paketi ilə avtomobil qazandı. Gdp.az xəbər verir ki, Bakcell-in süni intellekt əsaslı lotereyasında 4-cü avtomobil qalibi bəlli olub. Həftəlik tirajın uduşu olan “Zeekr 001” avtomobili Arzu Hüseynova təqdim edilib. Qeyd edək ki, Arzu Hüseynov cəmi 1 AZN dəyərində “Şans” paketi alaraq qalib olub. Bakcell-in meqa lotereyasında süni intellekt vasitəsilə hər gün “iPhone 17”, hər həftə isə “Zeekr 001” qalibləri seçilir. Həyəcanlı anlar davam edir – qarşıdakı həftələrdə daha 9 “Zeekr 001” sahibini tapacaq! Qalib gəlmək çox asandır. Qalib olmaq üçün “Şans” paketlərini əldə et: • 1 AZN-lik “Şans” paketi – 3 şans → *3#YES • 5…

Mərkəzi Bankın sədri Taleh Kazımov ölkəmizdə səfərdə olan Dünya Bankının  Avropa və Mərkəzi Asiyada rifah üzrə regional direktoru Əsəd Ələmin rəhbərlik etdiyi nümayəndə heyəti ilə görüş keçirib. Görüş zamanı ölkədə makroiqtisadi vəziyyət, maliyyə sektorunda həyata keçirilən islahatlar və rəqəmsal ödənişlərin inkişaf məsələləri müzakirə olunub. Tərəflər həmçinin Mərkəzi Bank ilə əməkdaşlıq çərçivəsində DB tərəfindən icra edilən “Maliyyə sektorunun modernləşdirilməsi 3” layihəsi üzrə həyata keçirilmiş və nəzərdə tutulan işlər barədə geniş məlumat mübadiləsi aparıblar. Görüşdə eyni zamanda DB-nin Azərbaycandakı fəaliyyəti və gələcək perspektivləri üzrə ətraflı fikir mübadiləsi aparılıb.

Azərpoçt” MMC-nin İdarə heyətinin sədri vəzifəsini icra edən İsi Mustafayev bildirib ki, şirkətin əməkdaşı Sitarə xanım Filateliyanın İnkişafı üzrə Dünya Assosiasiyasının (WADP) Sədri seçilmişdir. GDP xəbər verir ki, onun sözlərinə görə bu, Azərbaycan poçt xidmətinin beynəlxalq arenada əldə etdiyi növbəti uğurdur. Təşkilatın sədri seçilən Sitarə xanımın bu vəzifəyə seçilməsi Azərbaycan peşəkarlarının filateliya sahəsindəki biliyinin və təcrübəsinin beynəlxalq səviyyədə yüksək qiymətləndirilməsi kimi qiymətləndirilir. Qeyd edək ki, Filateliyanın İnkişafı üzrə Dünya Assosiasiyası (WADP) kolleksiyaçılıq və poçt markalarının nəşri sahəsində aparıcı beynəlxalq təşkilatlardan biridir.

Azərbaycan Respublikası Dövlət Neft Fondu (ARDNF) nümayəndə heyəti İcraçı direktor İsrafil Məmmədovun rəhbərliyi ilə Birləşmiş Ərəb Əmirliklərinin Əbu-Dabi şəhərində keçirilən Suveren Fondların Beynəlxalq Forumunun (SFBF) illik iclasında iştirak edir. “Transformasiya dövründə dayanıqlılığın formalaşdırılması” mövzusuna həsr olunmuş forum dünyanın aparıcı suveren sərvət fondlarını bir araya gətirən yeganə beynəlxalq platformadır. Tədbir BƏƏ-nin vəliəhdi Şeyx Xalid bin Məhəmməd bin Zayid Əl-Nəhyanın himayəsi altında, Əbu-Dabi İnvestisiya Təşkilatı (ADIA), Mubadala İnvestisiya Şirkəti və digər strateji tərəfdaşların ev sahibliyi ilə baş tutur. Forum çərçivəsində qlobal iqtisadi və geosiyasi dəyişikliklər şəraitində suveren fondların uzunmüddətli dəyər yaradan investisiya strategiyaları, dayanıqlı kapital qoyuluşu, texnoloji transformasiya və alternativ aktivlərin inkişafı…