Bir ekosisteminin fintex həlli olan m10 beynəlxalq pul köçürmələrini daha da əlçatan edib.
GDP xəbər verir ki, şirkətdən verilən məlumata görə, m10 pulqabı vasitəsilə Türkiyə, Gürcüstan, Qazaxıstan, Özbəkistan və Ukrayna da daxil olmaqla, dünyanın 140-dan çox ölkəsinin bank kartlarına ani və birbaşa pul köçürmələri həyata keçirmək mümkündür.
Yeni funksiya istifadəçilərə vəsaiti cəmi bir neçə toxunuşla birbaşa şəkildə xaricdəki alıcının bank kartına göndərməyə imkan verir. Sürət, sadəlik və əlçatanlıq prinsipləri üzərində qurulan bu həll beynəlxalq pul köçürmə əməliyyatlarını kəsintisiz və rahat şəkildə həyata keçirməyə şərait yaradır.
Sıfır komissiya ilə təqdim olunan xidmət bazarda ən sərfəli həllərdən biri kimi fərqlənir. Şirkət bildirir ki, istər ailəyə dəstək göstərilməsi, istər xaricdə təhsil xərclərinin qarşılanması, istərsə də digər beynəlxalq ödəniş ehtiyaclarının təmin edilməsi üçün m10 sürətli, etibarlı və rahat pul köçürmə imkanı təqdim edir.
Qeyd edək ki, m10 Azərbaycanın və Qafqazın ilk tam inteqrasiya olunmuş rəqəmsal ekosistemi olan Bir ekosistemi tərəfindən hazırlanmış rəqəmsal cüzdan və fintex həllidir. 2022-ci ildən istifadəyə verilmiş platforma fərdlər və bizneslər üçün maliyyə əməliyyatlarını sadələşdirməyi, vəsaitlərin idarə edilməsini və ödənişlərin həyata keçirilməsini təhlükəsiz və rahat şəkildə təmin etməyi hədəfləyir.
Xatırladaq ki, məhsulla m10.az/international-transfers linki vasitəsilə tanış olmaq, tətbiqi isə m10.onelink.me/WzYm/p4gk6cvf ünvanından yükləmək mümkündür.