“2024-cü ildə kibercinayətkarlar kiberhücumların effektivliyini artırmaq üçün kompleks yanaşmalardan istifadə edirlər.”
GDP xəbər verir ki, bunu Kaspersky-nin MDB ölkələrində kibertəhlükə mənzərəsi haqqında genişmiqyaslı hesabatını şərh edərkən Kaspersky-nin Azərbaycandakı rəsmi nümayəndəsi Müşviq Məmmədov deyib.
O bildirib: “Konkret bir şəxsə yönəlmiş fişinq cinayətkarların şəxsində ünsiyyəti daha inandırıcı edir və onun aşkarlanmasını çətinləşdirir. Təşkilatlar üçün, xüsusilə Azərbaycan kimi ölkələr üçün artan kibertəhlükələr fonunda, insan risklərini idarə etmək, məqsədyönlü təhlükəsizlik proqramları yaratmaq vacibdir.”