Azərbaycan Mərkəzi Bankı istehlak kreditləri üzrə risklərin azaldılması və bank sektorunun maliyyə dayanıqlığının qorunması istiqamətində tənzimləmə tədbirlərini davam etdirir.
GDPBu barədə Mərkəzi Bankın baş direktoru Şahin Mahmudzadə maliyyə sabitliyinə dair müzakirələr zamanı bildirib.
Onun sözlərinə görə, istehlak kreditləşməsi sahəsində əsas diqqət bankların mümkün kredit itkilərinə qarşı kifayət qədər ehtiyat formalaşdırmasına və kredit portfelinin keyfiyyətinin qorunmasına yönəldilir.
Şahin Mahmudzadə qeyd edib ki, hazırda bank sektorunda qeyri-işlək kreditlərin ümumi kredit portfelində payı təxminən 3% təşkil edir. Bu göstərici həm Azərbaycanın tarixi göstəriciləri, həm də beynəlxalq müqayisələr baxımından aşağı səviyyədə qiymətləndirilir.
Baş direktor bildirib ki, kredit risklərinin idarə olunması məqsədilə bankların ehtiyatlarının adekvatlığı mütəmadi qiymətləndirilir.
Onun sözlərinə görə, hazırkı mərhələdə kredit portfelinin keyfiyyəti və yaradılmış ehtiyatlar baxımından sistemli problem müşahidə edilmir.