Neft yenidən bahalaşıb

Neftin qiymətləri artmaqda davam edir.

GDP xəbər verir ki, Londonun ICE Futures birjasında Brent markalı neftin sentyabr fyuçersləri 0,49 dollar və ya 0,58%bahalaşaraq 85,49 dollar/barelə çatıb.

Nyu-York əmtəə birjasında (NYMEX) elektron hərraclarda avqust ayı üçün WTI fyuçerslərinin qiyməti bu vaxta qədər 0,43 dollar və ya 0,53% artaraq 1 barelə görə 81,97 dollar təşkil edib.

İyunun əvvəlindən etibarən hər iki brend bir ay əvvəlki enişdən bərpa olunaraq təxminən 6% bahalaşıb.

Neft qiymətləri Yaxın Şərqdə davam edən gərginlik, həmçinin OPEC+ ölkələrinin nümayəndələrinin bazar konyukturasından asılı olaraq hasilat planlarını düzəltməyə hazır olduqları barədə bəyanatları ilə dəstəklənir.