2024-cü ilin ikinci rübünün sonunda qiymətli kağızlar bazarında 7 354 əqd bağlanılıb. Bu, illik müqayisədə 31,7 % çoxdur.
GDP xəbər verir ki, bu barədə Mərkəzi Bankın Statistik bülleteninin İyun buraxılışında məlumat verilib.
Məlumat görə,əqdlərin 1 182-si ilkin bazarın (1,8 % az), 6 172-si isə təkrar bazarın (41 % çox) payına düşüb.
Yanvar-iyun aylarında qiymətli kağızlar bazarında aparılmış əməliyyatların 3 milyard 653,5 milyon manatlıq hissəsi və yaxud 19,6 %-i dövlət qiymətli kağızlarının, 2 milyard 138,3 milyon manatlıq hissəsi və yaxud 11,5 %-i korporativ qiymətli kağızların, 12 milyard 825,1 milyon manatlıq hissəsi və yaxud 68,9 %-i isə repo əməliyyatlarının payına düşüb. Bunlar, əvvəlki ilə nisbətən müvafiq olaraq 14,7 %, 53 % və 3,3 dəfə çoxdur.