ABŞ Fond Bazarı:
Bazarlar dəyişkən bir həftəni əsasən aşağı göstəricilərlə başa vursalar da, Dow Jones ardıcıl üçüncü həftəlik artım qeydə aldı. Nasdaq bazar ertəsi günü kəskin azaldı, bu isə Çinin daha az enerji tələb edən AI modeli ilə rəqabət aparan DeepSeek-in təqdimatından sonra NVIDIA səhmlərinin 17% ucuzlaşmasından qaynaqlandı. Meta və Apple kimi şirkətlərin güclü mənfəət hesabatları həftənin sonuna doğru səhm bazarlarının bir qədər bərpa olunmasına kömək etdi.
Prezident Tramp Meksika və Kanadaya fevralın 1-dən etibarən 25% rüsum tətbiq etmək planlarını bir daha təsdiqlədi və Çinə əlavə 10% rüsum tətbiq edəcəyini bildirdi. Bu, daha əvvəl sərgilənən yumşaq ticarət siyasəti ilə bağlı investor nikbinliyini azaldıb.
FED uçot dərəcəsini 4.25%–4.50% intervalında dəyişməz saxladı və siyasəti yaxın zamanda dəyişməyə tələsmədiyini vurğuladı. FED-in hədəfi olan 2%-i üstələyən əsas PCE inflyasiyası illik 2.8% səviyyəsində qaldı. ABŞ iqtisadiyyatı dördüncü rübdə 2.3%, 2024-cü ilin tamamında isə 2.8% artdı ki, bu da proqnozlardan azacıq aşağı olsa da, FED-in uzunmüddətli proqnozundan yüksəkdir.
Avropa:
Avropa bazarları artdı: güclü mənfəət göstəriciləri və AİB-in (Avropa Mərkəzi Bankı) faiz endirməsi fonunda STOXX 600 indeksi 1.78% yüksəldi. Almaniyanın DAX indeksi rekord səviyyəyə çatdı, Böyük Britaniyada isə funt sterlinqin ucuzlaşması FTSE 100 indeksinin 2.02% artmasına dəstək oldu.
Avropa Mərkəzi Bankı depozit faiz dərəcəsini 2.75%-ə endirdi, davam edən dizinflyasiyanı qeyd etsə də, gələcək endirmələrlə bağlı ehtiyatlı davranır.
Avrozonanın iqtisadiyyatı dördüncü rübdə durğunluq yaşadı, Almaniya və Fransa geriləmə, İtaliya isə sıfır artım göstərdi. Fransada inflyasiya 1.8%-ə düşsə də, Almaniyada 2.8% səviyyəsində qaldı.
İsveç Mərkəzi Bankı uçot dərəcəsini 2.25%-ə endirərək yaxın perspektivdə fasilə verə biləcəyini bildirdi. Böyük Britaniyada dekabr ayında ipoteka təsdiqlərinin sayı artaraq 2022-ci ilin sentyabrından bəri ən yüksək səviyyəyə çatdı.
Yaponiya
Yaponiyanın Nikkei 225 indeksi 0.90% gerilədi, TOPIX isə 1.37% artdı. DeepSeek-in ortaya çıxması texnoloji səhmlərə təzyiq göstərdi, Yaponiya Bankının əlavə faiz artımı siqnalı isə yenin məzənnəsini gücləndirdi.
Çin:
Çində bazarlar Ay Yeni ili ərəfəsində bir qədər zəiflədi. İstehsal sektorunda PMI 49.1-ə düşərək azalmaya işarə etdi, sənaye mənfəətləri isə ardıcıl üçüncü il azalma göstərdi.
Macarıstan:
Mərkəzi Bank uçot dərəcəsini 6.50% səviyyəsində dəyişməz saxladı və yüksək inflyasiya riskləri barədə xəbərdarlıq etdi.
Həftəlik İcmal Investor Club tərəfindən hazırlanıb