Müştərilərinin maliyyə ehtiyaclarına rahat həllər təqdim edən Rabitəbank lombard krediti üzrə sərfəli kampaniyasını davam etdirir.
Qızıl girovu müqabilində təqdim olunan lombard krediti vəsaitə operativ çıxış imkanı yaradaraq gözlənilməz xərclərin, maliyyə ehtiyaclarının qısa müddətdə qarşılanmasına şərait yaradır.
Kampaniya çərçivəsində 18–70 yaş aralığında olan və qızıl girovu təqdim edən müştərilər 100 000 AZN-dək məbləğdə krediti 3 aydan 48 ayadək müddətə 4%-dək faiz endirimi ilə rəsmiləşdirə bilərlər.
Lombard krediti haqqında ətraflı məlumat almaq və kredit sifarişini rəsmiləşdirmək üçün linkə https://rbt.az/lombard-krdt keçid edə bilərsiniz.
Rahat bankçılıq prinsiplərinə sadiq qalan Rabitəbank müştərilərinin ehtiyaclarına uyğun maliyyə həllərini davamlı olaraq təkmilləşdirərək, kredit məhsullarını daha əlçatan, çevik və sərfəli etməyə davam edir.
Məlumat üçün bildirək ki, “Rabitəbank” ASC 1993-cü ildən etibarən fəaliyyət göstərir və “Rahat bankçılıq” konsepsiyası əsasında müştərilərinə müasir və əlçatan maliyyə xidmətləri təqdim edir. Bankın nizamnamə kapitalı 101,3 milyon manatdır. Ölkə üzrə geniş filial şəbəkəsi, rəqəmsal bankçılıq həlləri və peşəkar komandası ilə Rabitəbank müştərilərinə dəyər yaradan xidmətlər təqdim etməyə davam edir. Bankın əsas səhmdarları “Azərbaycan Banklar Assosiasiyası”nın prezidenti Nuriyev Zakir Əlibala oğlu və iş adamı, sahibkar Əliyev Rauf Zeynal oğludur.
Hal-hazırda “Rabitəbank” ASC 19 region və Bakı şəhəri üzrə ümumilikdə 31 xidmət məntəqəsi, 78 ATM-i, “Rabita Mobile”, “Rabita Junior” və “Rabita Business” tətbiqləri, İnternet Bankçılıq platforması və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.