Ödəniş və elektron pul təşkilatlarının lisenziyalaşdırılması hazırda Mərkəzi Bankın əsas fəaliyyət gündəliyindədir.
“GDP”xəbər verir ki, bunu “Bank və Maliyyə Ekosistemində Yeni Trendlər: İnnovativ Həllər, FinTex və Təhlükəsizlik” adlı Fintex Sammitdə Azərbaycan Respublikası Mərkəzi Bankının sədrinin birinci müavini Rəşad Orucov deyib
O bildirib: “Hazırda 20-dən çox ödəniş və elektron pul təşkilatı Mərkəzi Banka lisenziya almaq üçün müraciət edib.”
Rəşad Orucov fikirlərinin davamında qeyd edib: “Mərkəzi Bank tənzimləyici quruma olmaqla yanaşı bazarın inkişafına dəstək və istiqamət verən qurumdur. Cari ildə Mərkəzi Bank tərəfindən “2024-2026-cı illərdə Maliyyə sektorunun inkişafı” strategiyası hazırlanıb təstiq olunmuş ictimaiyyətə təqdim olunmuşdur.Bu strategiya ölkəmizdə maliyyə sisteminin mühüm sektorlarının, kapital bazarları, ödəniş sistemlərinin inkişaf etdirilməsi habelə bank sisteminin dayanıqlığının daha da gücləndirilməsi kimi prioritetləri müəyyən edir”