Azərbaycan Mərkəzi Bankında Azərbaycan Banklar Assosiasiyasının Rəyasət Heyətinin geniş tərkibinə daxil olan bankların rəhbər şəxsləri ilə növbəti görüş keçirilib.
GDP xəbər verir ki, bu barədə Azərbaycan Mərkəzi Bankının sədri Taleh Kazımov öz rəsmi sosial media hesabında məlumat verib.
Bildirilib ki, görüş zamanı cari makroiqtisadi mühit, bank sektorunun 2026-cı ilin birinci yarısı üzrə inkişaf dinamikası, maliyyə inklüzivliyinin genişləndirilməsi istiqamətində həyata keçirilən təşəbbüslər və bu sahədə mövcud çağırışlar müzakirə olunub.
Tərəflər, həmçinin bank sektorunun strateji hədəfləri, sektorun dayanıqlılığının artırılmasına xidmət edən tənzimləmə və nəzarət mexanizmlərinin daha da təkmilləşdirilməsi üzrə prioritet istiqamətlər ətrafında geniş fikir mübadiləsi aparıblar.
