Azərbaycan Mərkəzi Bankının (AMB) sədri Taleh Kazımovun rəhbərlik etdiyi nümayəndə heyəti Dünya Bankı (DB) və Beynəlxalq Valyuta Fondunun (BVF) illik toplantıları çərçivəsində Azərbaycanın da təmsil olunduğu Seçki Qrupunun növbəti iclasında iştirak edib.
GDP xəbər verir ki, bu barədə Azərbaycan Mərkəzi Bankı məlumat yayıb.
Bildirilib ki, Taleh Kazımov iclasda çıxışı zamanı qlobal iqtisadi proseslərin Azərbaycan iqtisadiyyatına təsirlərindən, maliyyə sabitliyinin daha da möhkəmləndirilməsi istiqamətində həyata keçirilən tədbirlərdən və maliyyə sektorunun davamlı inkişafına yönəlmiş təşəbbüslərdən danışıb.
AMB sədri Dünya Bankı və Beynəlxalq Valyuta Fondu ilə uzunmüddətli əməkdaşlığın ölkənin institusional potensialının genişləndirilməsinə və iqtisadi dayanıqlılığının gücləndirilməsinə mühüm töhfə verdiyini vurğulayıb.
Qeyd edək ki, toplantıda DB və BVF-yə üzv ölkələrin dövlət və hökumət rəsmiləri, mərkəzi bank rəhbərləri, eləcə də beynəlxalq maliyyə institutlarının nümayəndələri iştirak ediblər.
İclas çərçivəsində Seçki Qrupuna daxil olan ölkələrdə mövcud makroiqtisadi vəziyyət, iqtisadi inkişaf meyilləri, qarşıda duran çağırışlar və qlobal iqtisadi proseslərin milli iqtisadiyyatlara təsiri müzakirə olunub.