Unicapital şirkətinin texnoloji inkişafı və innovativ yanaşması sayəsində dünyanın 20-dən çox birjası ilə inteqrasiya layihələri uğurla həyata keçirilib. Şirkətin Baş direktoru Vüqar Namazov bu uğurlu addımlar barədə məlumat verərkən, müştəri məmnuniyyətinin həmişə ön planda saxlanılmasını prioritet qeyd etdi.
Namazovun sözlərinə görə, Unicapital 2024-cü ildə ölkəmizdə bir ilk olaraq Bakı Fond Birjası ilə inteqrasiyasını başa çatdırıb. Bu addım şirkətin regionda rəqabət qabiliyyətini artırmaqla yanaşı, investisiya sahəsində daha çevik və rahat xidmətlər təklif etməsinə imkan yaradıb.
Baş direktor ayrıca, şirkətin təqdim etdiyi investisiya tətbiqlərinin daim inkişaf etdirilməsinə və istifadəçilərə yüksək səviyyəli servis göstərilməsinə diqqət yetirilməsini vurğulayıb. Namazov, Unicapital-ın bazarı fərqləndirən əsas amilin innovativ və əlçatan maliyyə məhsulları ilə dünya standartlarına uyğun xidmətlər təklif etməsi olduğunu bildirib.