Author: Aynure Gdp

Bu ilin yanvar-iyul aylarında Azərbaycanın magistral qaz kəmərləri ilə 23 milyard 869 milyon kubmetr qaz nəql edilib. GDP xəbər verir ki, magistral qaz kəmərləri ilə daşınmalar ötən ilin müvafiq dövrü ilə müqayisədə 0,5 faiz azalıb. Hesabat dövründə qaz nəqlinin 56,2 faizi Cənubi Qafqaz boru kəməri Bakı-Tbilisi-Ərzurum vasitəsilə həyata keçirilib. Bu kəmərlə 13 milyard 423,3 milyon kubmetr qaz nəql edilib. Bu, 2023-cü ilin 7 ayı ilə müqayisədə 5,4% çoxdur.

Avqustun 17-dən sentyabrın 7-nə qədər Azərbaycan Mərkəzi Bankı, “Azərbaycan Sığortaçılar Assosiasiyası” İctimai Birliyi və İcbari Sığorta Bürosunun birgə əməkdaşlığı çərçivəsində ölkədə II Sığorta Festivalı təşkil olunacaq. GDP bu barədə Assosiasiyaya istinadən xəbər verir. Məlumata görə, festivala Bakıda – Dənizkənarı Milli Parkda start veriləcək. Ardınca festival 24 avqustda Naxçıvan, 30 avqustda İsmayıllı, 31 avqustda Mingəçevir və 7 sentyabrda Gəncə şəhərlərində baş tutacaq. Tədbir ölkədə fəaliyyət göstərən sığorta şirkətlərinin iştirakı ilə təşkil olunacaq. Festival çərçivəsində sığorta maarifləndirməsi prosesi əyləncəli şoular, musiqili proqramlar və hədiyyəli yarışmaların müşayiətilə aparılacaq. Layihənin məqsədi geniş əhali qruplarının və biznes nümayəndələrinin sığorta sahəsində bilik və təsəvvürlərinin artırılması və…

Avropa Komissiyasının İlon Maska X-də dezinformasiyanın yayılmasına görə məsuliyyət barədə xəbərdarlığı Brüssellə iş adamı arasında münaqişənin kəskinləşməsinə səbəb olub. GDP xəbər verir ki, Financial Times yazır ki, bu, Avropada böyük bir xarici platformanın fəaliyyətinə nəzarət etmək qabiliyyəti ilə bağlı narahatlığı da artırıb. Avropa Siyasət Mərkəzinin direktor müavini Georg Rikelesin sözlərinə görə, Mask “texnologiyanın silah kimi necə istifadə oluna biləcəyini” göstərib.

Bu ilin yanvar-iyul aylarında Azərbaycanda 29 milyard 457,2 milyon kubmetr təbii qaz hasil edilib. GDP xəbər verir ki, bunun 22 milyard 510,9 milyon kubmetri əmtəəlik təbii qazın payına düşüb. Hesabat dövründə təbii qaz hasilatı ötən ilin müvafiq dövrü ilə müqayisədə 4,3 faiz, əmtəəlik qaz hasilatı 6,4 faiz artıb. Ötən 7 ayda Azərbaycanda qaz kondensatı da daxil olmaqla 16 milyon 950,1 min ton xam neft hasil edilib. Bunun 16 milyon 913,8 min tonu kommersiya xarakterli xam neftin payına düşüb. 2023-cü ilin 7 ayı ilə müqayisədə hesabat dövründə neft hasilatı 4,4%, əmtəəlik neftin həcmi isə 4,3% azalıb.

Ölkəmizdə kənd təsərrüfatı sektoru təxminən 1% artıb GDP xəbər verir ki, bu ilin yanvar-iyul aylarında Azərbaycanda 7 milyard 508 milyon manatlıq kənd təsərrüfatı məhsulları istehsal edilib ki, bu da ötən ilin müvafiq dövrü ilə müqayisədə 0,8 faiz çoxdur. İl ərzində ölkədə istehsal olunmuş kənd təsərrüfatı məhsullarının dəyəri 0,2 faiz artaraq 3 milyard 836 milyon manata, heyvandarlıq məhsullarının dəyəri isə 1,5 faiz artaraq 3 milyard 671 milyon manata çatıb. Avqustun 1-nə tarlalardan 2 milyon 935,5 min ton dənli və dənli paxlalılar, o cümlədən qarğıdalı sahələrindən (illik əvvəlkindən 1,2 faiz çox), 1 milyon 245,7 min ton tərəvəz (+0,2 faiz), 598,6 ton yığılıb.…

Azərbaycan əhalisinin gəlirləri 6% artıb. GDP xəbər verior ki, bu ilin yanvar-iyul aylarında Azərbaycan əhalisinin nominal gəlirləri 47 milyard 138,9 milyon manat təşkil edib. Bu, ötən ilin müvafiq dövrü ilə müqayisədə 5,8% artım deməkdir. Son bir ildə ölkədə adambaşına düşən nominal gəlir 5,3% artaraq 4625 manata çatıb.

Avrozonanın ikinci rübündə ÜDM artımı təxmini 0,3% səviyyəsində təsdiqlənib. GDP xəbər verir ki, Avropa İttifaqının statistika idarəsinin (Eurostat) yekun məlumatları təqdim edən hesabatına əsasən, Avrozona ÜDM-i 2024-cü ilin ikinci rübündə əvvəlki üç ayla müqayisədə 0,3% artıb. İllik ifadədə avrozonanın iqtisadiyyatı 0,6% artıb.

Azərbaycan Respublikasının dövlət büdcəsinin profisiti 2024-cü ilin ilk yeddi ayının sonuna 3 milyard 126,5 milyon manat olub. GDP xəbər verir ki, bu barədə Dövlət Statistika Komitəsi məlumat yayımlayıb. Profisit və ya qalıq ilk altı ayın sonuna 2 milyard 790,8 milyon manat idi. Dövlət büdcəsinin gəlirləri illik 20.3 faiz artımla 22 milyard 584.9 milyon manat olarkən, xərcləri 10.4 faiz artaraq 19 milyard 458,4 milyon manat olub.

Hava limanından – 28 May- a və əks istiqamətdə hərəkət edən BakuBus avtobusları 24 saatlıq iş rejiminə keçib. GDP xəbər verir ki, avtobuslar gündüz saatlarında 20 dəqiqəlik, gecə saatlarında isə 45 dəqiqəlik intervalla hərəkət edəcək

Paytaxtının ictimai nəqliyyatında istifadə olunan “Bakı Kart”ın operatoru – “K Group” MMC-nin rəhbəri dəyişib. GDP xəbər verir ki, şirkətə Allahverdiyev Məmməd Ənvər oğlu direktor təyin edilib. O, bu vəzifədə Bayramov Orxan Xanlar oğlunu əvəz edib. Bundan öncə rəhbər olmuş şəxslər isə Kərimli Nərmin Şahlar qızı və Əliyev Əli Rəşid oğlu olub. Qeyd edək ki, “K Group” 2014-cü ildə yaradılıb və nizamnamə kapitalı 23 milyon manatdır. Mənbə:Banker