Author: Aynure Gdp

Azərbaycan Mərkəzi Bankı (AMB) “Bank of Baku” ASC-nin 1 vəzifəli şəxsini 1 500 manat cərimələnyib. GDP xəbər verir ki, bu barədə Azərbaycan Mərkəzi Bankı məlumat yayımlayıb. Məlumatda bildirilir ki, aparılan cari nəzarət prosesləri çərçivəsində “Banklar haqqında” qanunun 35.4-cü maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulduğu məlum olub. Beləliklə, bankın vəzifəli şəxsi barəsində İnzibati Xətalar Məcəlləsinin 440.1-ci maddəsinə müvafiq tədbir görülüb.

Bakı vaxtı ilə saat 8:05-ə Londonun ICE Futures birjasında Brent markalı neftin noyabr fyuçerslərinin qiyməti bir barel üçün 71,93 dollar təşkil edir ki, bu da əvvəlki ticarətin bağlanışına nisbətən 0,87 dollar çoxdur. GDP xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI markalı neftin oktyabr fyuçerslərinin qiyməti 1 barelə görə 0,9 dollar artaraq 68,57 dollar təşkil edib.

İqtisadi İnkişaf Nazirliyi 2024-cü ildə neft və qaz ixracı proqnozunu artırıb GDP xəbər verir ki, Rusiya İqtisadi İnkişaf Nazirliyi 2024-cü il üçün neft və qaz ixracı üzrə proqnozunu 17,4 milyard dollar artıraraq 239,7 milyard dollara çatdırıb. Belə ki, nazirlik bu il Rusiya neftinin orta ixrac qiymətinin 70 dollar/barelə yüksələcəyini gözləyir ki, bu da aprel ayı üzrə proqnozdan 5 dollar yüksəkdir. Qaz ixrac qiymətləri ilə bağlı proqnoz həm Avropa, həm də Çin üçün də artırılıb.

ARDNF-nin səhm portfelinin tərkibində “İntel” şirkətinin 31 milyon dollarlıq səhmləri var. Bu səhmlər ARDNF-nin kotirovka olunan səhm portfelindəki payı 0,2 faiz təşkil edir. GDP Intel səhmlərinin qiymət dəyişikliyi və ARDNF-nin potensial itkilərini təhlil edib. Qeyd edək ki, bu hesablamalarda, ARDNF-nin səhmləri ən yüksək qiymətdə aldığını fərz edilib. Əgər ortalama alış qiyməti daha aşağı olubsa, real itki daha az ola bilər. Eyni zamanda İntel səhmlərinin fondun ümumi portfelində kiçik bir paya (0.2%) sahib olması, ümumi risk səviyyəsini məhdudlaşdırır. ARDNF kimi böyük fondlar adətən uzunmüddətli investisiya strategiyası izləyirlər və qısamüddətli bazar dalğalanmalarına dözümlüdürlər. Müəllif: Aynur Qəniyeva

Bank of America (BofA) 2025-ci ildə neft qiymətləri ilə bağlı proqnozunu aşağı salıb. Bank of America-nın analitikləri iqtisadi artımın yavaşlamasını və daha böyük ehtiyata səbəb olacaq zəif tələb proqnozlarını əsas gətirərək, gələn il üçün benchmark xam neft qiymətləri ilə bağlı proqnozlarını azaldıblar. Ekspertlər indi Brent markalı neftin əvvəllər gözlənilən 80 dollar/bareldən orta hesabla 75 dollar/barel olacağını gözləyirlər. WTI üçün proqnoz bir barel üçün 75 dollardan 71 dollara endirilib. “Bazar, ehtimal ki, bu rübdə neft balansları üçün ən sıx dövrünü yaşayır və ABŞ-ın ehtiyatları sürətlə azalsa da, qlobal enişlər təsir edici deyil”,- deyə bildirib BofA. Analitiklər gələn il OPEC-ə daxil olmayan…