Author: Aynure Gdp

Azərbaycanda beynəlxalq geyim brendlərini təmsil edən “Best Brands” Şirkətlər Qrupunda yeni təyinat olub. GDP xəbər verir ki, ölkəmizdə tekstil sənayesi üzrə peşəkar marketoloq və sahə üzrə ekspert olan Elxan Mərdanlı “Best Brands” Şirkətlər Qrupunda strateji müşavir vəzifəsinə təyin olunub. Elxan Mərdanlı uzun illərdir tekstil və pərakəndə satış sahəsində marketinq və inkişaf strategiyaları üzrə fəaliyyət göstərir. Eyni zamanda, onun mətbuatda tekstil sənayesinin inkişafı, mövcud vəziyyəti və çıxış yollarına həsr olunmuş silsilə məqalələri mütəmadi olaraq dərc edilir və sahə üzrə analitik baxış formalaşdırır. Qeyd edək ki, “Best Brands” Şirkətlər Qrupu ölkəmizdə LC Waikiki, Penti, Koton və Decathlon kimi beynəlxalq geyim brendlərini, eləcə də Funland…

İnnovasiya lideri Bakcell və Azərbaycan Respublikasının Gənclər Fondu Qarabağ Universitetində “İnnovasiya və Süni İntellekt” təqaüd proqramına dair məlumatlandırma görüşü keçirib. Görüşdə universitetin tələbələrinə proqramın məqsədi, seçim meyarları, təlim istiqamətləri və ümumi proses barədə ətraflı məlumat verilib, daha sonra isə onları maraqlandıran suallar cavablandırılıb. Qeyd edək ki, gənclərin proqram haqqında daha dolğun məlumat əldə etməsinə töhfə verən məlumatlandırma görüşləri növbəti günlərdə Azərbaycan Dövlət Neft və Sənaye Universiteti, Azərbaycan-Fransız Universiteti və Azərbaycan Dövlət İqtisad Universitetində keçiriləcək.Təqaüd proqramı çərçivəsində seçilmiş iştirakçılar süni intellekt, data analitikası, proqramlaşdırma və UI/UX dizayn kimi gələcəyin peşələri üzrə praktiki təlimlərə cəlb olunacaqlar. Proqram müddətində ümumilikdə 150 gəncin bu…

Azərbaycan Texniki Universitetində fintex laboratoriyasının açılış mərasimində çıxış edən Mərkəzi Bank sədrinin müavini Vüsal Xəlilov rəqəmsal maliyyənin strateji əhəmiyyətindən danışıb. Vüsal Xəlilov bildirib ki, son 10 ildə Dünya Bankı və BIS-in hesabatları rəqəmsal maliyyənin iqtisadi inkişafı sürətləndirmək üçün əsas alətə çevrildiyini göstərir: “Rəqəmsal maliyyə texnologiyaları artıq dəstək funksiyası deyil. Stanford, Kaliforniya Universiteti kimi aparıcı təhsil ocaqları bu cür laboratoriyalar yaradır. Azərbaycanda ilk dəfə Texniki Universitetdə belə bir laboratoriyanın açılması çox vacib hadisədir”. O, 11 fevralda Prezident İlham Əliyevin sədrliyi ilə keçən müşavirədə rəqəmsallaşma və süni intellekt inkişafının ölkənin strateji prioritetləri kimi müəyyən edildiyini xatırladıb. Son 8 ildə maliyyə sektorunun ən…

Azərbaycan Texniki Universitetində (ATU) fintex sahəsi üzrə ixtisaslaşmış yeni tədris laboratoriyasının təqdimat mərasimi keçirilib. GDP xəbər verir ki,açılış mərasimində çıxış edən Azərbaycan Mərkəzi Bankının Ödəniş Xidmətləri və Ödəniş Sistemlərinin Fəaliyyətinin Tənzimlənməsi şöbəsinin rəhbəri Xəyaləddin Tağıyev layihənin əhəmiyyətindən danışıb. Yaradılan laboratoriya iki əsas istiqamət üzrə fəaliyyət göstərəcək. Birinci istiqamət informasiya texnologiyaları, ikinci istiqamət isə iqtisadiyyatdır. Bu bölgü təsadüfi deyil. Müasir maliyyə texnologiyaları (fintex) dedikdə geniş spektrli sahələr əhatə olunur: ödəniş xidmətləri, kredit bankçılığı, rəqəmsal valyutalar və s. Məhz bu sahələrin inkişafı üçün həm texniki biliklər, həm də iqtisadi analiz bacarığı tələb olunur. Layihə çərçivəsində hər istiqamət üzrə 15 nəfər olmaqla, ümumilikdə…

ABŞ hökuməti Özbəkistanla ölkənin mühüm faydalı qazıntılarına daha yaxşı çıxışı təmin etməyə yönəlmiş saziş imzalayıb. GDP bu barədə “Reuters” agentliyinə istinadən məlumat verir. Sənəd ABŞ-ın Beynəlxalq İnkişaf üzrə Maliyyə Korporasiyası (DFC) tərəfindən hazırlanıb və iki ölkə arasında strateji əməkdaşlığın inkişafına yönəlmiş Birgə İnvestisiya Proqramının yaradılmasını nəzərdə tutur. Qeyd olunur ki, saziş kritik əhəmiyyətli minerallarla bağlı fəaliyyətin bütün mərhələlərini – geoloji kəşfiyyatdan və hasilatdan tutmuş emala qədər – əhatə edir. Bundan əlavə, mineral ehtiyatlar və infrastruktur sahəsində gələcək layihələrlə məşğul olacaq ABŞ–Özbəkistan birgə investisiya holdinq şirkətinin yaradılması planlaşdırılır. Agentliyin məlumatına görə, regionun ən böyük iqtisadiyyatlarından biri olan və əhalisi təxminən 40…

Azərbaycan Mərkəzi Bankının sədri Taleh Kazımov dördüncü “Yüksəliş” müsabiqəsinin qalibləri Sənan Mustafayev və İsmayıl Hüseynov ilə Mərkəzi Bankda həyata keçirilən mentorluq proqramının başa çatması münasibətilə növbəti görüş keçirib. Görüş zamanı qaliblərin fərdi inkişaf planları çərçivəsində gördükləri işlər, əldə etdikləri nəticələr, həmçinin şəxsi inkişaf, təhsil və karyera istiqamətində atdıqları addımlar ətrafında geniş fikir mübadiləsi aparılıb. Taleh Kazımov mentorluq proqramında fəal iştiraklarına görə qaliblərə tövsiyə məktubu təqdim edib və onlara gələcək fəaliyyətlərində uğurlar arzulayıb. Qaliblər isə göstərilən diqqət və dəstəyə görə Mərkəzi Bankın sədrinə təşəkkürlərini ifadə ediblər. Qeyd edək ki, növbəti “Yüksəliş” müsabiqəsinin qeydiyyat mərhələsi 6 mart – 16 aprel 2026-cı il…

Azərbaycan Mərkəzi Bankının (AMB) 2026-cı ilin sonuna qədər pul siyasətində ehtiyatlı mövqe saxlayacağı gözlənilir. GDP xəbər verir ki,Beynəlxalq analitik şirkəti “Fitch Solutions” Azərbaycan iqtisadiyyatı ilə bağlı 2026-cı il üçün proqnozlarına görə, tənzimləyici qurum uçot dərəcəsini mərhələli şəkildə 6,50%-dən 6,00%-ə endirə bilər. Qiymətləndirmələrə görə, faiz dəhlizində mümkün yumşalma makroiqtisadi sabitliyin qorunması və inflyasiya gözləntilərinin nəzarətdə saxlanılması fonunda həyata keçiriləcək. Uçot dərəcəsinin azaldılması kredit bazarında aktivliyin stimullaşdırılmasına və maliyyə şərtlərinin nisbətən yumşalmasına xidmət edə bilər. Valyuta siyasəti ilə bağlı isə manatın məzənnəsinin sabit saxlanılacağı bildirilir. Məlumata görə, AMB müdaxilə mexanizmlərindən istifadə etməklə milli valyutanın 1 ABŞ dollarına qarşı 1,70 AZN səviyyəsində qorunmasını…

Beynəlxalq analitik şirkəti “Fitch Solutions” Azərbaycan iqtisadiyyatı ilə bağlı yeni proqnozlarını açıqlayıb. Hesabata görə, 2026-cı ildə ölkədə inflyasiya tədricən azalacaq və ilin sonuna inflyasiya göstəricisinin 5,6%-dən 5,0%-ə enəcəyi gözlənilir. Ekspertlər qeyd edirlər ki, bu dinamika Azərbaycan Mərkəzi Bankının müəyyən etdiyi 2–6% hədəf diapazonu daxilində qalacaq ki, bu da monetar siyasətin effektivliyini və makroiqtisadi sabitliyin qorunmasını təsdiqləyir. Bununla belə, analitiklər bir sıra yuxarı yönlü risklərə də diqqət çəkiblər. Hesabatda vurğulanır ki, Rusiyaya qarşı beynəlxalq sanksiyaların ərzaq ixracına mümkün təsiri və qlobal təchizat zəncirlərində yaranan pozuntular inflyasiya təzyiqini saxlaya bilər. Xüsusilə qeyd olunur ki, Azərbaycan taxıl, süd məhsulları və ət məhsullarının 20–30%-ni…

Zaur Yaqubov Suraxanı Maşınqayırma Zavodunun İdarə Heyətinin sədri vəzifəsinə təyin edilib. Məlumata görə, müvafiq kadr qərarı müəssisənin idarəetmə komandasının yenilənməsi çərçivəsində qəbul olunub. Zaur Yaqubov böhran əleyhinə idarəetmə və korporativ administrasiya sahəsində böyük iş təcrübəsinə malikdir. O, müxtəlif illərdə idarəetmə proseslərinin optimallaşdırılması və dayanıqlı istehsal modellərinin qurulması məsələləri ilə məşğul olub, o cümlədən mürəkkəb iqtisadi vəziyyətdə olan müəssisələrdə fəaliyyət göstərib. Onun Suraxanı Maşınqayırma Zavodunun İdarə Heyətinin sədri vəzifəsinə təyin olunmasının müəssisənin idarəetmə səmərəliliyinin artırılmasına və istehsal potensialının modernləşdirilməsi üzrə vəzifələrin icrasına töhfə verəcəyi gözlənilir.

Azərbaycan Respublikası Dövlət Neft şirkəti (SOCAR) ilə “Gran Tierra Energy Inc.” şirkəti arasında Azərbaycannın Quba–Xəzəryanı regionunda yerləşən qurudakı perspektiv sahəsi üzrə Kəşfiyyat, İşlənmə və Hasilatın Pay Bölgüsü Sazişi imzalanıb. Banker.az xəbər verir ki, sənədi SOCAR-ın prezidenti Rövşən Nəcəf və “Gran Tierra Energy Inc.” şirkətinin prezidenti və baş icraçı direktoru Gary Guidry imzalayıblar. Sazişin şərtlərinə əsasən, layihənin operatoru qismində çıxış edəcək “Gran Tierra Energy Inc.” 65% iştirak payına malik olacaq. Geoloji kəşfiyyat iş proqramına qravimetrik məlumatların toplanması, 3D seysmik tədqiqatların aparılması və müqavilə sahəsinin karbohidrogen potensialının üzə çıxarılmasına yönəlmiş kəşfiyyat quyularının qazılması daxildir. Saziş Azərbaycan Respublikasının Milli Məclisi tərəfindən ratifikasiya edildikdən sonra qüvvəyə minəcək.